Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Sipati Marafiki kwa Urahisi

Sipati Marafiki kwa Urahisi

Unachoweza kufanya

Kwanza, tambua ni kikundi gani cha watu ambacho unahisi ni vigumu sana kuanzisha urafiki nao.

Umri:

Nashindwa kuchangamana kwa urahisi na . . .

  • vijana wa rika langu

  • vijana wenye umri mkubwa

  • watu wazima

Utendaji:

Nashindwa kuchangamana kwa urahisi na . . .

  • wanamichezo stadi

  • watu wenye vipawa fulani

  • watu wenye akili nyingi

Utu:

Nashindwa kuchangamana kwa urahisi na . . .

  • watu wenye wajasiri

  • watu maarufu

  • watu walio katika kikundi

Pili, chagua sentensi inayoonyesha jinsi unavyojiendesha unapokuwa pamoja na watu ulioteua hapo juu.

  • mimi hujifanya nina mapendezi na vipawa kama vyao.

  • mimi hupuuza mapendezi yao na kuzungumza kuhusu mapendezi yangu.

  • mimi hukaa kimya na kutafuta nafasi ya kuondoka.

Tatu, chukua hatua ya kwanza! Huwezi kutazamia kila mara watu wengine wachukue hatua ya kufanya urafiki nawe; nyakati nyingine wewe unapaswa kuanzisha urafiki. (Wafilipi 2:4) Unaweza kufanyaje hivyo?

Tafuta watu ambao si wa rika lako. Hebu fikiria: Mbona ujiwekee mipaka kwa kutafuta marafiki miongoni mwa watu wa rika lako tu kisha uanze kulalamika eti hupati marafiki? Kufanya hivyo ni kama kufa njaa ukiwa kwenye kisiwa kinachozungukwa na samaki wengi pande zote!

Mama yangu alinitia moyo niwe nikizungumza na watu wenye umri mkubwa. Alisema nitashangaa kuona kwamba wana na mapendezi kama yangu. Hakukosea, na sasa nina marafiki wengi sana!”—Helena, mwenye umri wa miaka 20.

Jifunze kuwasiliana. Siri ni (1) kusikiliza, (2) kuuliza maswali, na (3) kuwaonyesha wengine kwamba unawajali kikweli.—Yakobo 1:19.

Mimi hujaribu kuwa msikilizaji badala ya mwongeaji. Na ninapozungumza, ninajaribu kuepuka kuzungumza sana kujihusu au kuzungumza kwa njia isiyofaa kuhusu watu wengine.”—Serena, mwenye umri wa miaka 18.

Ikiwa mtu anazungumza kuhusu jambo fulani ambalo silijui vizuri, mimi humwomba anieleze zaidi kulihusu, na huenda hilo linaweza kumfanya azungumze hata zaidi.”—Jared, mwenye umri wa miaka 21.

Mimi ni mwenye haya, kwa hiyo, lazima nijikakamue kuzungumza. Ili upate marafiki, lazima wewe mwenyewe uwe mwenye urafiki. Kwa hiyo, sasa nimeanza kujizoeza kuwa mzungumzaji.”—Leah, mwenye umri wa miaka 16.