Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Nifanye Nini Ikiwa Mwalimu Wangu Hanipendi?

Nifanye Nini Ikiwa Mwalimu Wangu Hanipendi?

Hebu ngoja kidogo!

Fikiria kisa cha Rachel. Alikuwa akipata alama za juu shuleni. Kisha alipofika darasa la 7, mambo yakabadilika. Anasema: “Mwalimu wangu alijaribu sana kuniangusha katika somo lake.” Tatizo lilikuwa nini? Mwalimu alimweleza waziwazi Rachel na mama yake kwamba hapendi dini yao.

Ikawaje? Rachel anasema: “Kila wakati ilipoonekana wazi kwamba mwalimu alichochewa na chuki alipokuwa akikagua kazi yangu, Mama angeandamana nami hadi shuleni na kuzungumza naye kuhusu jambo hilo. Mwishowe, aliacha kunihangaisha.

Walimu ni kama mawe ya kukanyaga yanayoweza kukusaidia kuvusha kutoka kwenye ujinga na kuwa na ufahamu, hata hivyo, lazima wewe mwenyewe utembee

Ikiwa una tatizo kama hilo, zungumza na wazazi wako. Bila shaka, watapenda kuzungumza na mwalimu na ikiwezekana na wasimamizi wa shule ili kutafuta utatuzi.

Ni kweli matatizo mengine hayatatatuliwa kwa urahisi. Nyakati nyingine, utalazimika kuvumilia. (Waroma 12:17, 18) “Mmoja wa walimu wetu alikuwa na maoni mabaya kuelekea wanafunzi,” asema Tanya. “Mara nyingi alitutusi, na kutuita wapumbavu. Mwanzoni nililia, lakini baadaye nikamzoea na kutomchukulia kwa uzito. Nilikazia fikira kazi yangu na kujishughulisha na masomo anapofundisha. Kwa kufanya hivyo hakunisumbua sana, na nilikuwa kati ya wachache waliopata alama nzuri. Baada ya miaka miwili, mwalimu huyo alifutwa kazi.

Vyovyote vile, jifunze kushughulika na mwalimu mgumu, nawe utapata ustadi wa maana katika maisha yako, ustadi utakaokusaidia utakapokuwa ukifanya kazi chini ya tajiri mgumu. (1 Petro 2:18) Pia, utajifunza kuwathamini walimu wazuri wanapopatikana.