Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

VIJANA HUULIZA

Ninawezaje Kuepuka Kunenepa Kupita Kiasi?

Ninawezaje Kuepuka Kunenepa Kupita Kiasi?

Biblia inawatia watu moyo wawe ‘wenye kiasi katika mazoea.’ (1 Timotheo 3:2) Hilo linatia ndani mazoea yako ya kula. Kwa hiyo, mbona usijaribu kufanya mambo yafuatayo?

Sikiliza tumbo lako. Nilikuwa nikihesabu kalori, lakini sasa mimi huacha kula ninapohisi nimeshiba,” anasema Julia, mwenye umri wa miaka 19.

Epuka chakula kisicho na lishe bora. Nilipoacha kunywa soda, nilipunguza uzito kwa kilo tano baada ya mwezi mmoja tu!” anasema Peter, mwenye umri wa miaka 21.

Badili mazoea mabaya ya kula. Mimi hujaribu sana nisiongeze chakula,” anasema Erin, mwenye umri wa miaka 19.

Siri ya Kufanikiwa: Usikose kula hata mlo mmoja! Ukikosa, utahisi njaa na huenda ukashawishika kula chakula kingi.

Bila shaka watu fulani ambao hujiambia “Ninahitaji kupunguza uzito wangu” wana maoni yasiyofaa kuhusu mwili wao. Kwa kweli hawana tatizo lolote la kunenepa kupita kiasi. Hata hivyo, vipi ikiwa unahitaji kupunguza uzito? Ona jinsi msichana anayeitwa Catherine alivyofanikiwa.

“Nilipokuwa tineja, nilikuwa mnene kupita kiasi, jambo ambalo halikunipendeza kamwe. Nilihuzunishwa sana na jinsi nilivyoonekana na kuhisi!

“Mara kwa mara nilijaribu kupunguza uzito kwa kula vyakula maalumu, lakini baada ya muda nilinenepa tena. Mwishowe nilipokuwa na umri wa miaka 15 niliamua kubadili maisha yangu. Nilitaka kupunguza uzito kwa njia inayofaa—njia ambayo ningeweza kudumisha katika maisha yangu yote.

“Nilinunua kitabu kilichozungumzia kanuni za msingi za lishe bora na kufanya mazoezi, na nikaanza kutenda kulingana na yale niliyosoma katika kitabu hicho. Niliazimia kwamba hata nikiteleza katika jitihada zangu au nivunjike moyo, sitakata tamaa.

“Matokeo? Nilifaulu! Katika kipindi cha mwaka mmoja, nilipunguza kilo 27. Nimedumisha uzito huo kwa miaka miwili. Sikufikiri ningefaulu!

“Nafikiri nilifaulu kwa kuwa sikula tu chakula fulani maalumu bali pia nilibadili maisha yangu.”—Catherine, mwenye umri wa miaka 18.

 

Pata Kujua Mengi Zaidi

Kushinda Tatizo la Kunenepa Kupita Kiasi Miongoni mwa Vijana

Soma kuhusu kijana mmoja aliyekuwa na mazoea ya vyakula visivyo na lishe alivyobadili mazoea hayo.