Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

VIJANA HUULIZA

Ni Nini Kitakachonichochea Kufanya Mazoezi?

Ni Nini Kitakachonichochea Kufanya Mazoezi?

Biblia inasema hivi: “Mazoezi ya kimwili ni yenye faida.” (1 Timotheo 4:8) Lakini vijana wengi ambao hujiambia, “Nahitaji kufanya mazoezi” hukosa kufanya hivyo.

  • “Nilipokuwa shule ya sekondari vijana wengi walishindwa na somo la mazoezi. Lilikuwa somo rahisi sana, kama vile kula chakula cha mchana!”—Richard, mwenye umri wa miaka 21.

  • “Vijana wengine hujiambia, ‘Kwa nini nikimbie-kimbie kwenye jua kali, nitokwe na jasho na kuchoka ilhali ninaweza kucheza mchezo wa video?’ ”—Ruth, mwenye umri wa miaka 22.

Ikiwa una maoni kama hayo, fikiria faida tatu za kuwa na mazoea mazuri ya kufanya mazoezi.

Faida ya 1. Mazoezi huimarisha mfumo wako wa kinga. Sikuzote baba yangu alikuwa akiniambia hivi, ‘Ikiwa huwezi kutafuta wakati wa kufanya mazoezi, basi tafuta wakati wa kuwa mgonjwa,’ ” anasema Rachel, mwenye umri wa miaka 19.

Faida ya 2. Mazoezi hufanya ubongo wako utokeze kemikali zinazokutuliza. Kukimbia hunituliza hasa wakati nina mawazo mengi,” anasema Emily, mwenye umri wa miaka 16. “Mimi huhisi mwili umepumzishwa, na hisia zimetulia.

Faida ya 3. Mazoezi yanaweza kukufurahisha. Mimi hufurahia kufanya mazoezi nje,” anasema Ruth, “kwa hiyo mazoezi yangu hutia ndani kutembea, kuogelea, na kuendesha baiskeli.

Siri ya Kufanikiwa: Tenga angalau dakika 20 mara tatu kila juma ili ufanye mazoezi unayofurahia na yatakayokufanya utumie nguvu nyingi.

Kumbuka: Ingawa chembe za urithi huchangia mambo fulani katika maisha yako, mara nyingi hali yako ya kimwili hutegemea mtindo wa maisha unaochagua. Kwa hiyo, unaposema, “Ninahitaji kufanya mazoea,” uamuzi ni wako; unaweza kuchukua hatua!