Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

VIJANA HUULIZA

Je, Ananifaa?

Je, Ananifaa?

Je, umepata mtu ambaye huenda akafaa kuwa mwenzi wako wa ndoa? Ikiwa ndivyo, unawezaje kujua ikiwa mtu huyo anakufaa?

Ni muhimu kwamba usiangalie mambo kijuujuu. Hii ni kwa sababu yule msichana mrembo zaidi huenda asiwe mwenye kuaminika au yule mvulana maarufu sana huenda asiwe na maadili mazuri. Ungependa kumpata mtu ambaye atakustarehesha—mtu ambaye kweli anapatana na utu na miradi yako.Mwanzo 2:18; Mathayo 19:4-6.

Kutoangalia Mambo Kijuujuu

Mtazame mwenzako bila upendeleo. Hata hivyo, uwe mwangalifu! Huenda ukaona tu mambo unayotaka kuona. Kwa hiyo, usiwe na haraka. Jaribu kutambua jinsi rafiki yako alivyo kikweli.

Watu wengi wanaoanzisha urafiki wa kimapenzi hawachunguzi mambo kwa undani. Badala yake, wao hutaja tu mambo yanayowapendeza wote wawili: ‘Tunapenda muziki uleule.’ ‘Tunapendezwa na mambo yaleyale.’ ‘Tunakubaliana katika kila jambo!’ Hata hivyo, hupaswi kuchunguza mambo kijuujuu tu. Unahitaji kumtambua “yule mtu wa siri wa moyoni.” (1 Petro 3:4; Waefeso 3:16) Badala ya kukazia fikira mambo mnayokubaliana, huenda mkapata kujuana hata zaidi kwa kuona inavyotokea mnapokosa kukubaliana.

Kwa mfano, fikiria mambo yafuatayo:

  • Mtu huyu anatenda jinsi gani kutoelewana kunapotokea? Je, anasisitiza maoni yake? Je, ‘analipuka kwa hasira’ na kuanza ‘kutukana’? (Wagalatia 5:19, 20; Wakolosai 3:8) Au anaonyesha usawaziko, kwa kukubali mambo ili kuwe na amani wakati ambapo hakuna kanuni yoyote inayovunjwa?Yakobo 3:17.

  • Je, mtu huyo anapenda kukusukuma ufanye mambo anayotaka, kukutawala, au ni mwenye wivu? Je, anadai umwambie kila kitu unachofanya? Msichana mmoja anayeitwa Nicole anasema hivi: “Mimi husikia kuhusu watu wenye urafiki wa kimapenzi wanaozozana kwa sababu mmoja wao amekasirika kwa kuwa mwenzake hampigii simu na kumweleza mahali alipo. Kwa maoni yangu, hiyo ni dalili ya matatizo.”1 Wakorintho 13:4.

  • Wengine wana maoni gani kumhusu? Ingefaa kuzungumza na watu ambao wamemfahamu kwa muda fulani, kama vile watu wakomavu kutanikoni. Kwa njia hiyo utajua ikiwa ‘anashuhudiwa vema.’Matendo 16:1, 2.

Pata Kujua Mengi Zaidi

Nitazamie Nini Katika Ndoa?—Sehemu ya 1

Ni mambo gani mazuri na pia yaliyo magumu unayoweza kutazamia katika ndoa?

Nitazamie Nini Katika Ndoa?—Sehemu ya 2

Pata kujua jinsi unavyoweza kujitayarisha kushughulika na hali ngumu ambazo hukutazamia katika ndoa yenu.