Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Je, Kweli Wafu Wataishi Tena?

Je, Kweli Wafu Wataishi Tena?

Ungejibuje swali hilo . . .

  • ndiyo?

  • hapana?

  • labda?

 BIBLIA HUSEMA HIVI

“Kutakuwa na ufufuo.”—Matendo 24:15, Tafsiri ya Ulimwengu Mpya.

FAIDA ZA KUAMINI JAMBO HILO

Utapata faraja wapendwa wako wanapokufa.—2 Wakorintho 1:3, 4.

Utaacha kuogopa kufa.—Waebrania 2:15.

Utakuwa na tumaini la kukutana tena na wapendwa wako waliokufa.—Yohana 5:28, 29.

 JE, KWELI TUNAWEZA KUAMINI KILE AMBACHO BIBLIA INASEMA?

Ndiyo, kwa angalau sababu tatu:

  • Mungu ndiye aliyeumba uhai. Biblia inasema kwamba Yehova Mungu ndiye “huwapa watu wote uhai.” (Matendo 17:24, 25; Zaburi 36:9) Bila shaka, yule aliyewapa viumbe wote uhai ana uwezo wa kumfanya mtu aliyekufa awe hai tena.

  • Mungu aliwahi kuwafufua wanadamu wakati uliopita. Biblia inataja visa vinane vya watu—vijana kwa wazee, wa kiume na wa kike—ambao walifufuliwa hapa duniani. Wengine walikuwa wamekufa kwa muda mfupi, lakini mmoja alikuwa kaburini kwa siku nne!—Yohana 11:39-44.

  • Mungu anatamani kufanya hivyo tena. Yehova anachukia kifo; anakiona kuwa adui. (1 Wakorintho 15:26) ‘Anatamani’ kumshinda adui huyo na kukomesha kifo kupitia ufufuo. Anatamani sana kuwafufua wale walio katika kumbukumbu lake na kuwaona wakiishi duniani tena.—Ayubu 14:14, 15.

 emphasizedJAMBO LA KUFIKIRIA

Kwa nini tunazeeka na kufa?

Biblia inajibu swali hilo kwenye MWANZO 3:17-19 na WAROMA 5:12.

Pata Kujua Mengi Zaidi

Kuna Tumaini Gani kwa Wafu?

Ni nini hutupata tunapokufa? Je, tunaweza kuwaona tena wapendwa wetu waliokufa?