Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

“Jitunzeni Katika Upendo wa Mungu”

 NYONGEZA

Shinda Zoea la Kupiga Punyeto

Shinda Zoea la Kupiga Punyeto

Kupiga punyeto ni zoea chafu kiroho ambalo humfanya mtu afikirie kujitosheleza mwenyewe tu nalo huchafua akili. * Huenda mtu mwenye zoea la kupiga punyeto akaanza kuwaona wengine kuwa watu anaoweza kuwatumia kwa makusudi ya kingono tu. Uhusiano kati ya ngono na upendo hupotea, badala yake anaona ngono kuwa njia ya kujipatia raha haraka na kutuliza nyege. Lakini kitulizo hicho ni cha muda tu. Kwa kweli, badala ya kuua viungo vya mwili ‘kwa habari ya uasherati, uchafu, na hamu isiyofaa ya ngono,’ kupiga punyeto huviamsha.—Wakolosai 3:5.

Mtume Paulo aliandika: “Wapendwa, . . . acheni tujisafishe wenyewe kila unajisi wa mwili na roho, tukiukamilisha utakatifu katika kumwogopa Mungu.” (2 Wakorintho 7:1) Ikiwa si rahisi kwako kuishi kupatana na maneno hayo, usikate tamaa. Sikuzote Yehova yuko “tayari kusamehe” na kutoa msaada. (Zaburi 86:5; Luka 11:9-13) Kwa kweli, moyo wako unaokuhukumu pamoja na jitihada zako za kushinda zoea hilo—ingawa huenda mara mojamoja ukatumbukia tena katika zoea hilo—zinaonyesha kwamba una mtazamo unaofaa. Pia, kumbuka kwamba “Mungu ni mkuu kuliko mioyo yetu naye anajua mambo yote.” (1 Yohana 3:20) Mungu anaona mengi zaidi kuliko dhambi zetu; anaona jinsi tulivyo kikweli. Hilo humwezesha kusikiliza  kwa huruma tunapomsihi atuonyeshe rehema. Kwa hiyo, usichoke kuzungumza na Mungu katika sala ya unyenyekevu na ya bidii, kama mtoto anavyomwendea baba yake wakati anapokuwa na shida. Yehova atakupa dhamiri safi. (Zaburi 51:1-12, 17; Isaya 1:18) Bila shaka, unahitaji kutenda kulingana na sala zako. Kwa mfano, utajitahidi kuepuka aina zote za ponografia na vilevile kushirikiana na watu wasiofaa. *

Tatizo lako la kupiga punyeto likiendelea, tafadhali zungumza kuhusu jambo hilo na mzazi Mkristo au rafiki anayekujali ambaye amekomaa kiroho. *Methali 1:8, 9; 1 Wathesalonike 5:14; Tito 2:3-5.

^ fu. 1 Kupiga punyeto ni kupapasa-papasa au kusugua-sugua viungo vya uzazi, na kwa kawaida kufanya hivyo humfikisha mtu kwenye kilele cha msisimko wa ngono.

^ fu. 2 Ili kuhakikisha kwamba kompyuta ya familia inatumiwa vizuri, familia nyingi huiweka mahali ambapo wote katika familia wanaweza kuiona. Zaidi ya hayo, familia nyingine hununua programu za kompyuta zinazochuja habari zisizofaa. Hata hivyo, hakuna programu inayoweza kutegemeka kabisa.

^ fu. 1 Unaweza kupata habari zaidi kuhusu jinsi ya kushinda zoea la kupiga punyeto, katika makala “Vijana Huuliza . . . Ninaweza Kushindaje Zoea Hili?” katika toleo la Amkeni! la Novemba 2006, na ukurasa wa 205-211 katika kitabu Maswali Ambayo Vijana Huuliza—Majibu Yafanyayo Kazi, Buku la 1.