Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Ufalme wa Mungu Unatawala!

Kushoto: Ndugu akikamatwa kwa sababu ya kuhubiri huko Eindhoven, Uholanzi, 1945; kulia: Je, haki ya kuhubiri inalindwa kisheria katika nchi unamoishi?

 SEHEMU YA 4

Ushindi wa Ufalme—Kutetea na Kuithibitisha Kisheria Habari Njema

Ushindi wa Ufalme—Kutetea na Kuithibitisha Kisheria Habari Njema

 MNAPOHUBIRI nyumba kwa nyumba, mnasikia king’ora kwa mbali. Sauti ya king’ora inazidi kuongezeka. Unapoanza kuzungumza na mwenye nyumba anayefuata, shahidi mwenzako anakengeushwa gari la polisi linaposimama karibu nanyi. Polisi anatoka kwenye gari na kuwauliza, “Ninyi ndio mmekuwa mkienda mlango kwa mlango mkizungumzia habari za Biblia? Tumepata malalamiko!” Mnajibu kwa heshima, mkijitambulisha kwamba ninyi ni Mashahidi wa Yehova. Ni nini kitakachotokea?

Kwa kiasi kikubwa, hilo litategemea matukio ya zamani. Kwa miaka mingi, serikali ya nchi unamoishi imewatendeaje Mashahidi wa Yehova? Je, kuna kiasi fulani cha uhuru wa kidini? Ikiwa ndiyo, huenda ni kwa sababu kwa miaka mingi ndugu na dada zako wa kiroho wamejitahidi sana “kutetea na kuithibitisha kisheria habari njema.” (Flp. 1:7) Hata uwe unaishi wapi, kutafakari masimulizi ya ushindi wa kisheria wa Mashahidi wa Yehova kunaweza kuimarisha sana imani yako. Katika sehemu hii, tutachunguza baadhi ya ushindi huo wenye kutokeza. Ushindi ambao tumepata unathibitisha kwamba Ufalme ni halisi, kwani hatungepata ushindi mkubwa hivyo kwa uwezo wetu wenyewe!