Hamia kwenye habari

Hamia kwenye menyu ya pili

Mashahidi wa Yehova

Kiswahili

Ni Nani Hasa Anayeuongoza Ulimwengu?

Ni Nani Hasa Anayeuongoza Ulimwengu?

Je, unafikiri ni . . .

  • Mungu?

  • wanadamu?

  • mtu mwingine?

 BIBLIA HUSEMA HIVI

“Ulimwengu wote unatawaliwa na yule Mwovu.”—1 Yohana 5:19.

“Mwana wa Mungu alikuja . . . kuiharibu kazi ya Ibilisi.”—1 Yohana 3:8, Biblia Habari Njema.

FAIDA ZA KUAMINI JAMBO HILO

Maelezo yenye kueleweka kuhusu hali za ulimwengu.​—Ufunuo 12:12.

Sababu ya kuamini kwamba ulimwengu wetu utakuwa mzuri zaidi.​—1 Yohana 2:17.

 JE, KWELI TUNAWEZA KUAMINI KILE AMBACHO BIBLIA HUSEMA?

Ndiyo, kwa angalau sababu tatu:

  • Utawala wa Shetani utakomeshwa. Yehova ameazimia kuukomesha utawala wa Shetani. Anaahidi ‘kumwangamiza . . . Ibilisi’ na kuondoa kabisa madhara yote ambayo Shetani amesababisha.—Waebrania 2:14, Tafsiri ya Ulimwengu Mpya.

  • Mungu amemchagua Yesu Kristo atawale ulimwengu. Yesu ni tofauti kabisa na mtawala wa sasa wa ulimwengu huu ambaye ni mkatili, na mwenye ubinafsi. Kuhusu utawala wa Yesu, Mungu anaahidi: “Atamhurumia mtu wa hali ya chini na maskini . . . Atawaokoa kutoka katika ukandamizaji na ukatili.”—Zaburi 72:13, 14.

  • Mungu hawezi kusema uwongo. Biblia inasema hivi waziwazi: “Mungu hawezi kamwe kusema uwongo.” (Waebrania 6:18) Yehova anapoahidi kufanya jambo fulani, ni kana kwamba jambo hilo tayari limetimizwa! (Isaya 55:10, 11) “Mtawala wa ulimwengu huu atatupwa nje.”—Yohana 12:31.

 JAMBO LA KUFIKIRIA

Ulimwengu utakuwaje baada ya mtawala wake kuondolewa?

Biblia inajibu swali hilo kwenye ZABURI 37:10, 11 na UFUNUO 21:3, 4.