Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Msikilize Mungu Uishi Milele

 SEHEMU YA 5

Gharika Kubwa—Nani Alimsikiliza Mungu? Nani Hakumsikiliza?

Gharika Kubwa—Nani Alimsikiliza Mungu? Nani Hakumsikiliza?

Watu wengi katika siku za Noa walitenda mabaya. Mwanzo 6:5

Adamu na Hawa walipata watoto, na watu wakawa wengi duniani. Baada ya muda, malaika fulani walijiunga na Shetani katika uasi wake.

Wakaja duniani na wakajifanyia miili ya kibinadamu ili waweze kuoa wanawake. Wanawake hao wakazaa wana wenye kutisha na wenye nguvu waliokuwa na uwezo unaopita wa wanadamu.

Ulimwengu ukajaa watu waliofanya mambo mabaya. Biblia inasema: “Ubaya wa mwanadamu ulikuwa mwingi duniani na kila mwelekeo wa fikira za moyo wake ulikuwa mbaya tu wakati wote.”

 Noa alimsikiliza Mungu na akajenga safina. Mwanzo 6:13, 14, 18, 19, 22

Noa alikuwa mtu mzuri. Yehova alimwambia Noa kwamba Angewaharibu watu waovu kwa gharika kubwa.

Pia, Mungu akamwambia Noa ajenge meli kubwa, inayoitwa safina, na kuweka familia yake pamoja na wanyama wa kila aina ndani yake.

Noa aliwaonya watu kuhusu Gharika iliyokuwa inakaribia, lakini hawakumsikiliza. Baadhi yao walimcheka; wengine wakamchukia.

Safina ilipokamilika, Noa aliwaingiza wanyama ndani.

Pata Kujua Mengi Zaidi

HABARI NJEMA KUTOKA KWA MUNGU!

Kwa Nini Mungu Anaruhusu Uovu na Kuteseka?

Uovu ulianzaje, na kwa nini Mungu ameruhusu uendelee? Je, kuteseka kutaisha?