Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 15

Wazee Hulitumikia Kutaniko Jinsi Gani?

Wazee Hulitumikia Kutaniko Jinsi Gani?

Finland

Kufundisha

Uchungaji

Kuhubiri

Hatuna makasisi wanaolipwa. Badala yake, kama ilivyokuwa kutaniko la Kikristo lilipoanzishwa, waangalizi wanaostahili huwekwa rasmi ili “kulichunga kutaniko la Mungu, ambalo alilinunua kwa damu ya Mwana wake mwenyewe.” (Matendo 20:28) Wazee ni wanaume wakomavu kiroho ambao wanaongoza katika kutaniko na kulichunga, “si kwa kulazimishwa, bali kwa kupenda; wala si kwa kupenda pato lisilo la haki, bali kwa hamu.” (1 Petro 5:1-3) Wazee hufanya kazi gani kwa faida yetu?

Wanatuhangaikia na kutulinda. Wazee huongoza na kulinda kutaniko kiroho. Kwa kuwa wanatambua kwamba Mungu amewakabidhi jukumu zito, wazee hawapigi ubwana, badala yake, wanachangia hali nzuri na shangwe kati ya washiriki wa kutaniko. (2 Wakorintho 1:24) Kama vile mchungaji anavyomtunza kila kondoo kwa bidii, wazee hujitahidi kupata kumjua kila mmoja katika kutaniko.—Methali 27:23.

Wanatufundisha jinsi ya kufanya mapenzi ya Mungu. Kila juma, wazee huongoza mikutano ya kutaniko ili kuimarisha imani yetu. (Matendo 15:32) Wanaume hao ambao wamejitoa kwa moyo wote huongoza katika kazi ya kutangaza habari njema, wakihubiri pamoja nasi na kutuzoeza aina mbalimbali za huduma.

Wanatutia moyo. Ili kututunza kiroho, wazee hututembelea nyumbani kwetu au huzungumza nasi kwenye Jumba la Ufalme ili kutusaidia na kutufariji kwa kutumia Maandiko.—Yakobo 5:14, 15.

Mbali na majukumu yao katika kutaniko, wazee wengi hufanya kazi ili kujiruzuku na wanahitaji kushughulikia familia zao. Ndugu hao wenye bidii wanastahili heshima.—1 Wathesalonike 5:12, 13.

  • Wazee wa kutaniko hufanya kazi gani?

  • Wazee huonyesha jinsi gani kwamba wanapendezwa na kila mmoja wetu?