Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

Je Utafanya Mapenzi ya Yehova?

Je Utafanya Mapenzi ya Yehova?

Tunakupongeza kwa kuichunguza broshua hii ili kutufahamu vizuri sisi Mashahidi wa Yehova, kujua utendaji wetu, na kuona jinsi tengenezo letu linavyofanya kazi. Tunatumaini broshua hii imekusaidia kuona wazi kwamba sisi ndio tunaofanya mapenzi ya Yehova leo. Tunakutia moyo uendelee kujifunza kumhusu Mungu, kuzungumza na familia yenu na rafiki zako kuhusu mambo ambayo unajifunza, na kuhudhuria mikutano yetu kwa ukawaida.—Waebrania 10:23-25.

Utaona kwamba kadiri unavyoendelea kujifunza kumhusu Yehova, ndivyo unavyozidi kutambua kwamba anakupenda kwelikweli. Wewe nawe, utachochewa kufanya yote uwezayo ili kuonyesha kwamba unampenda. (1 Yohana 4:8-10, 19) Unawezaje kuonyesha kwamba unampenda Mungu katika maisha yako? Kwa nini kutii sheria zake kunakunufaisha? Na ni nini ambacho kitakuchochea ujiunge nasi kumtumikia Mungu? Yule anayejifunza Biblia pamoja nawe atafurahia kukujibu maswali hayo ili wewe na familia yako ‘mjitunze katika upendo wa Mungu, mkitazamia uzima wa milele.’—Yuda 21.

Endelea kutembea katika njia ya kweli kwa kujifunza kitabu hiki . . . “Jitunzeni Katika Upendo wa Mungu”