Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 28

Ni Habari Gani Zinazoweza Kupatikana Kwenye Tovuti Yetu?

Ni Habari Gani Zinazoweza Kupatikana Kwenye Tovuti Yetu?

Ufaransa

Poland

Urusi

Yesu Kristo aliwaambia wafuasi wake hivi: “Acheni nuru yenu iangaze mbele ya watu, ili wapate kuona matendo yenu mazuri na kumpa utukufu Baba yenu wa mbinguni.” (Mathayo 5:16) Hiyo ndiyo sababu tunatumia teknolojia ya kisasa, kutia ndani Intaneti. Tovuti yetu, jw.org/sw, ni kituo rasmi chenye taarifa kuhusu imani na utendaji wa Mashahidi wa Yehova. Mambo hayo yanatia ndani nini?

Majibu ya Biblia ya maswali ambayo huulizwa kwa ukawaida. Unaweza kupata majibu ya maswali muhimu ambayo watu wamepata kuuliza. Maswali sita kati ya hayo yanapatikana kwenye trakti Je, Ungependa Kujua Ukweli? inayopatikana katika lugha zaidi ya 400. Pia unaweza kupata Biblia ya Tafsiri ya Ulimwengu Mpya katika lugha zaidi ya 100 pamoja na vifaa vya kukusaidia kujifunza Biblia, kutia ndani kitabu Biblia Inafundisha Nini Hasa? na matoleo ya karibuni ya Mnara wa Mlinzi na Amkeni! Machapisho mengi yanaweza kusikilizwa au kusomwa kwenye mtandao au hata kupakuliwa kama faili za sauti, PDF, au EPUB. Hata unaweza kuchapa kurasa kadhaa za kusoma na mtu anayependezwa katika lugha yake! Video zinapatikana katika makumi ya lugha za ishara. Pia, unaweza kupakua drama za Biblia, na muziki mtamu unaoweza kusikiliza unapopumzika.

Habari za kweli kuhusu Mashahidi wa Yehova. Pia kwenye tovuti kuna habari za karibuni kuhusu kazi ya ulimwenguni pote, matukio yanayowahusu Mashahidi wa Yehova, na jitihada zetu za kutoa misaada. Unaweza kupata taarifa kuhusu makusanyiko yajayo na anwani za ofisi zetu za tawi.

Kupitia njia hizi tunaangaza nuru ya kweli kwa mapana na marefu. Watu wa kila bara, kutia ndani Antaktika, wanafaidika. Tunasali kwamba “neno la Yehova liendelee kusonga haraka” duniani kote kwa utukufu wa Mungu.—2 Wathesalonike 3:1.

  • Tovuti ya jw.org/sw inawasaidiaje watu wengi kujifunza Biblia?

  • Ungependa kuchunguza nini katika Tovuti yetu?