Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 14

Mapainia Huzoezwa Katika Shule Gani?

Mapainia Huzoezwa Katika Shule Gani?

Marekani

Shule ya Gileadi, Patterson, New York

Panama

Kwa miaka mingi elimu ya kitheokrasi imekaziwa sana na Mashahidi wa Yehova. Shule za pekee huandaliwa kwa ajili ya wale wanaotumikia wakiwa wahubiri wa wakati wote wa Ufalme ili ‘watimize kwa ukamili huduma yao.’—2 Timotheo 4:5.

Shule ya Utumishi wa Painia. Mwaka mmoja baada ya kuwa painia wa kawaida, mapainia huhudhuria shule ya siku sita ambayo hufanywa kwenye Jumba la Ufalme. Kusudi la shule hiyo ni kumsaidia painia amkaribie zaidi Yehova, aboreshe uwezo wake katika sehemu mbalimbali za huduma, na aendelee kutumikia kwa uaminifu.

Shule ya Waeneza-Injili wa Ufalme. Shule hii ya miezi miwili imekusudiwa kuwazoeza mapainia wenye uzoefu ambao wako tayari kuhama nyumbani na kwenda kokote wanakohitajiwa. Ni kana kwamba wanasema, “Mimi hapa! Nitume mimi!” kwa kumwiga Mweneza-Injili mkuu zaidi, Yesu Kristo. (Isaya 6:8; Yohana 7:29) Baada ya kuhamia eneo lingine, huenda wakalazimika kuishi maisha rahisi. Huenda utamaduni, hali ya hewa, na vyakula vikawa tofauti na walivyozoea. Huenda pia wakahitaji kujifunza lugha mpya. Shule hii huwazoeza ndugu na dada waseja, wenzi wa ndoa, wenye umri wa kati ya miaka 23 na 65, wasitawishe sifa za kiroho watakazohitaji katika migawo yao na ustadi utakaowasaidia kumtumikia Yehova na tengenezo lake kikamili zaidi.

Shule ya Gileadi. Katika Kiebrania neno “Gileadi” linamaanisha “Ushahidi Mkubwa.” Tangu mwaka wa 1943, zaidi ya wamishonari 8,000 waliozoezwa katika Shule ya Gileadi wametumwa ili kutoa ushahidi “mpaka sehemu ya mwisho ya dunia” nao wamefanikiwa sana. (Matendo 13:47) Wamishonari wetu walipofika nchini Peru, hakukuwa na kutaniko lolote huko. Sasa kuna zaidi ya makutaniko 1,000. Wamishonari wetu walipoanza kutumikia nchini Japani, kulikuwa na Mashahidi wasiozidi 10, sasa kuna zaidi ya Mashahidi 200,000. Mazoezi ya Gileadi yanayofanywa kwa miezi mitano yanatia ndani kujifunza Neno la Mungu kwa undani. Wale wanaotumikia wakiwa mapainia wa pekee au wamishonari, wale wanaotumikia kwenye ofisi za tawi, au kazi ya kusafiri hualikwa kwenye shule hii ili wajifunze mambo mengi na hivyo kusaidia kuimarisha kazi ya kuhubiri ulimwenguni pote.

  • Shule ya painia inatimiza kusudi gani?

  • Ni nani wanaoalikwa kwenye Shule ya Waeneza-Injili wa Ufalme?

Pata Kujua Mengi Zaidi

Mashahidi wa Yehova—Tengenezo Linalohubiri Habari Njema

Mashahidi wa Yehova wanajulikana sana kwa kazi yao ya kimataifa ya kuwafundisha watu Biblia. Kazi yao imepangwaje, inaongozwaje, na inagharimiwaje?

Kuwazoeza Wahudumu wa Ufalme

Shule za kitheokrasi zimewatayarishaje wahudumu wa Ufalme kutimiza migawo yao?