Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 7

Mikutano Yehova Hufanywaje?

Mikutano Yehova Hufanywaje?

New Zealand

Japani

Uganda

Lithuania

Sehemu kuu ya mikutano ya Wakristo wa karne ya kwanza ilikuwa kuimba, kusali, hali kadhalika kusoma na kuzungumzia Maandiko. Nayo haikufanywa kidesturi tu. (1 Wakorintho 14:26) Hivyo ndivyo tunavyofanya mikutano yetu leo.

Mafundisho yanategemea Biblia na yanatunufaisha. Mwishoni mwa juma, kila kutaniko hukutana ili kusikiliza hotuba ya Biblia kuhusu jinsi Maandiko yanavyohusiana na maisha yetu na nyakati tunamoishi. Sote tunahimizwa tufungue na kusoma Maandiko. Baada ya hotuba, kuna Funzo la “Mnara wa Mlinzi” kwa muda wa saa moja. Funzo hilo hutegemea makala ya toleo la funzo la Mnara wa Mlinzi, na wote wako huru kutoa maelezo. Mazungumzo hayo yanatusaidia kuona jinsi tunavyoweza kutumia mwongozo wa Biblia katika maisha yetu. Makutaniko zaidi ya 110,000 ulimwenguni hujifunza habari ileile.

Tunasaidiwa kuboresha ustadi wa kufundisha. Pia, katikati ya juma hukusanyika kwa ajili ya mkutano wenye sehemu tatu unaoitwa Huduma na Maisha Yetu ya Kikristo ambao hutegemea habari zinazochapiswa kila mwezi katika Daftari la Mkutano wa Huduma na Maisha Yetu. Sehemu ya kwanza ya mkutano huo, Hazina za Neno la Mungu, hutusaidia kuelewa sehemu fulani ya Biblia ambayo wote katika kutaniko wamesoma mapema. Kisha, sehemu ya pili, Boresha Huduma Yako, huwa na maonyesho ya jinsi ya kuzungumzia Biblia na wengine. Mshauri hutoa maelezo mafupi yanayotusaidia kuboresha ustadi wetu wa kusoma au kuzungumza. (1 Timotheo 4:​13) Sehemu ya mwisho, Maisha ya Mkristo, huzungumzia jinsi tunavyoweza kutumia kanuni za Biblia Maishani. Ni sehemu ya mazungumzo ya maswali na majibu ambayo huboresha uelewaji wetu wa Biblia.

Utakapoanza kuhudhuria mikutano yetu, utafurahia kuona kwamba unaweza kujifunza mengi kuhusu Biblia.—Isaya 54:13.

  • Unaweza kutazamia kusikia mambo gani katika mikutano ya Mashahidi wa Yehova?

  • Ni mkutano gani unaofanywa kila juma ambao ungependa kuhudhuria?