Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 10

Ibada ya Familia ni Nini?

Ibada ya Familia ni Nini?

Korea Kusini

Brazili

Australia

Guinea

Tangu nyakati za kale, Yehova alitaka kila familia iwe na wakati wa kuwa pamoja ili kuimarisha hali yao ya kiroho na vilevile kujenga uhusiano wa karibu miongoni mwao. (Kumbukumbu la Torati 6:6, 7) Ndiyo sababu Mashahidi wa Yehova wanatenga wakati kila juma kwa ajili ya ibada ya familia. Katika pindi hizo, wakiwa wamestarehe, wanazungumzia mambo ya kiroho yanayohusu familia zao. Hata ikiwa unaishi peke yako, unaweza kutumia wakati huo pamoja na Mungu kwa kujifunza jambo fulani katika Biblia.

Ni wakati wa kumkaribia Yehova. “Mkaribieni Mungu, naye atawakaribia ninyi.” (Yakobo 4:8) Tunaweza kumjua Yehova vizuri hata zaidi tunapojifunza mambo hususa kuhusu utu wake na matendo yake kupitia Neno lake. Ikiwa hamna ibada ya familia, njia rahisi ya kuianzisha ni kusoma Biblia kwa sauti mkiwa pamoja. Labda mnaweza kutumia ratiba ya kila juma ya Shule ya Huduma ya Kitheokrasi. Mnaweza kusoma kwa zamu, kisha mzungumzie mambo mliyojifunza katika Maandiko.

Ni wakati wa kuimarisha uhusiano katika familia. Waume na wake, na vilevile wazazi na watoto, wanaweza kuimarisha uhusiano wao wanapojifunza Biblia pamoja wakiwa familia. Huo unapaswa kuwa wakati wa furaha na utulivu ambao kila mtu anatazamia kwa hamu kila juma. Ikitegemea umri wa watoto, wazazi wanaweza kuchagua habari zinazoifaa familia, labda makala ya Mnara wa Mlinzi au Amkeni! Mnaweza kuzungumzia matatizo ambayo watoto wenu walikabili shuleni na jinsi ya kuyashughulikia. Mnaweza kufanya mazoezi ya nyimbo zitakazoimbwa katika mikutano na hata kuwa na viburudisho baada ya ibada ya familia.

Wakati huo wa pekee mnaotumia pamoja kila juma katika kumwabudu Yehova utamsaidia kila mmoja katika familia afurahie kujifunza Neno la Mungu, naye atabariki jitihada zenu.—Zaburi 1:1-3.

  • Kwa nini tunatenga wakati kwa ajili ya ibada ya familia?

  • Wazazi wanawezaje kufanya pindi hiyo iwe yenye kufurahisha?

Pata Kujua Mengi Zaidi

Jinsi ya Kufanya Maisha ya Familia Yako Yawe Yenye Furaha

Upendo wa Yesu ni mfano mzuri ambao waume, wake, wazazi, na watoto wanaweza kuiga. Tunajifunza nini kutoka kwake?