Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 11

Kwa Nini Tunahudhuria Makusanyiko?

Kwa Nini Tunahudhuria Makusanyiko?

Mexico

Ujerumani

Botswana

Nikaragua

Italia

Kwa nini watu hawa wana furaha? Wanahudhuria mojawapo ya makusanyiko yetu. Kama watumishi wa Mungu wa wakati uliopita, ambao waliagizwa wakusanyike mara tatu kwa mwaka, sisi pia hutazamia kwa hamu kukusanyika pamoja katika makusanyiko. (Kumbukumbu la Torati 16:16) Kila mwaka tuna makusanyiko matatu: makusanyiko mawili ya mzunguko kila kusanyiko kwa siku moja, na kusanyiko la eneo linalofanywa kwa siku tatu. Tunafaidika jinsi gani kwa kuhudhuria makusanyiko hayo?

Yanaimarisha ushirika wetu wa Kikristo. Kama vile Waisraeli walivyoshangilia kumsifu Yehova “kati ya makundi yaliyokutanika,” sisi pia hushangilia kumwabudu Yehova katika makusanyiko. (Zaburi 26:12; 111:1) Makusanyiko hutuwezesha kukutana na kushirikiana na Mashahidi wenzetu wa makutaniko mengine au hata nchi nyingine. Wakati wa mchana, tunafurahia kula pamoja mahali pa kusanyiko, jambo linalochangia mazingira ya kirafiki katika pindi hizo za kiroho. (Matendo 2:42) Katika makusanyiko tunajionea upendo unaotuunganisha tukiwa “ushirika mzima wa akina ndugu” ulimwenguni.—1 Petro 2:17.

Yanatusaidia kufanya maendeleo ya kiroho. Waisraeli walifaidika kwa ‘kuelewa maneno’ ya Maandiko ambayo yalifafanuliwa. (Nehemia 8:8, 12) Sisi pia tunathamini mafundisho ya Biblia tunayopokea katika makusanyiko yetu. Kila programu hutegemea habari za Kimaandiko. Kupitia hotuba zenye kusisimua, mifululizo, na maigizo, tunafundishwa jinsi ya kufanya mapenzi ya Mungu katika maisha yetu. Tunatiwa moyo tunaposikia masimulizi ya wale ambao wamefaulu kubaki waaminifu licha ya hali ngumu. Kwenye makusanyiko ya eneo, drama hutusaidia kuona kihalisi masimulizi ya Biblia na kutufundisha masomo muhimu. Katika kila kusanyiko, wale ambao wamejiweka wakfu kwa Mungu na wangependa kubatizwa, hubatizwa.

  • Kwa nini makusanyiko ni pindi zenye furaha?

  • Unaweza kufaidika jinsi gani kwa kuhudhuria kusanyiko?

Pata Kujua Mengi Zaidi

Video Fupi: Makusanyiko ya Kila Mwaka ya Mashahidi wa Yehova

Jionee sababu inayowafanya mamilioni ya watu wahudhurie tukio hili la pekee.