Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 27

Maktaba ya Jumba la Ufalme Inaweza Kutunufaishaje?

Maktaba ya Jumba la Ufalme Inaweza Kutunufaishaje?

Israel

Jamhuri ya Cheki

Benin

Visiwa vya Cayman

Je, ungependa kufanya utafiti ili uielewe Biblia vizuri zaidi? Je, ungependa kujua mengi zaidi kuhusu andiko, mtu, eneo, au jambo lolote katika Biblia? Au, je, ungependa kujua ikiwa Neno la Mungu linaweza kukusaidia kushughulikia hangaiko fulani? Ikiwa ndivyo, unaweza kutumia maktaba ya Jumba la Ufalme.

Kuna vifaa vya utafiti. Labda huna machapisho yote ya Biblia ya Mashahidi wa Yehova katika lugha yako. Hata hivyo, maktaba ya Jumba la Ufalme ina machapisho mengi ya karibuni. Huenda pia kukawa na tafsiri mbalimbali za Biblia, kamusi, na vitabu vya marejeo. Unaweza kutumia maktaba hiyo kabla au baada ya mikutano. Ikiwa kuna kompyuta huenda ikawa na programu ya Watchtower Library. Programu hiyo ina machapisho mengi na ni rahisi kuitumia kufanya utafiti kuhusu jambo lolote, neno, au hata andiko la Biblia.

Inasaidia wanafunzi wa Shule ya Huduma ya Kitheokrasi. Ikiwa umejiunga na shule hiyo, unaweza kutumia maktaba ya Jumba la Ufalme unapotayarisha migawo yako. Mwangalizi wa shule ndiye msimamizi wa maktaba. Yeye ana jukumu la kuhakikisha machapisho mapya yanawekwa na kupangwa vizuri. Yeye au yule anayejifunza Biblia pamoja nawe anaweza kukuonyesha namna ya kutafuta habari unayohitaji. Hata hivyo, hatupaswi kuchukua vitabu vya maktaba ya Jumba la Ufalme na kwenda navyo. Pia, tunapaswa kutunza vitabu hivyo na kuepuka kuvichora au kuvitia alama yoyote.

Biblia inaeleza kwamba ili “kumjua Mungu,” ni lazima tutafute ujuzi kumhusu kama tunavyotafuta “hazina zilizofichika.” (Methali 2:1-5) Maktaba ya Jumba la Ufalme inaweza kukusaidia kutimiza jambo hilo.

  • Ni vifaa gani vya utafiti vinavyopatikana katika maktaba ya Jumba la Ufalme?

  • Ni nani anayeweza kukusaidia kutumia maktaba hiyo vizuri?