Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Ni Nani Wanaofanya Mapenzi ya Yehova Leo?

 Somo la 21

Betheli Ni Nini?

Betheli Ni Nini?

Idara ya Uchoraji, Marekani

Ujerumani

Kenya

Kolombia

Betheli ni neno la Kiebrania linalomaanisha “Nyumba ya Mungu.” (Mwanzo 28:17, 19) Ni jina linalofaa ambalo Mashahidi wa Yehova hutumia kurejelea majengo yaliyoko katika nchi mbalimbali ambapo mwongozo na msaada kuhusiana na kazi ya kuhubiri unatolewa. Baraza Linaloongoza linafanya kazi likiwa katika makao makuu katika Jimbo la New York, Marekani, na kutoka huko linasimamia kazi inayofanywa na ofisi za tawi katika nchi mbalimbali. Wakiwa pamoja, wote wanaofanya kazi katika ofisi hizo wanaitwa familia ya Betheli. Kama familia, wanaishi na kufanya kazi pamoja, wanakula na kujifunza Biblia pamoja kwa umoja.—Zaburi 133:1.

Mahali pa pekee ambapo washiriki wanajitolea kwa hiari. Katika kila ofisi ya Betheli kuna wanaume na wanawake Wakristo ambao wamejitolea kufanya mapenzi ya Mungu na kuendeleza masilahi ya Ufalme kwa wakati wote. (Mathayo 6:33) Hakuna yeyote kati yao anayepokea mshahara. Wote wanapewa mahali pa kulala, chakula, na pesa kidogo kwa ajili ya matumizi ya kibinafsi. Kila Mwanabetheli ana mgawo wake, huenda ikawa ni ofisini, jikoni, au katika chumba cha kulia chakula. Wengine wanafanya kazi ya kuchapa vitabu, kutunza vyumba, kufua nguo, kudumisha majengo, au kazi nyingine.

Sehemu yenye shughuli nyingi inayosaidia kazi ya kuhubiri Ufalme. Kusudi kuu la Betheli ni kufanya ujumbe wa kweli wa Biblia uwafikie watu wengi iwezekanavyo. Mfano mmoja ni broshua hii. Iliandikwa chini ya usimamizi wa Baraza Linaloongoza, ikatumwa kwa mamia ya vikundi vya watafsiri ulimwenguni pote, ikachapwa katika mashine zenye uwezo mkubwa zinazopatikana katika Betheli kadhaa, na hatimaye kutumwa kwa makutaniko zaidi ya 110,000. Katika kila hatua ya kazi hii, familia za Betheli zinatekeleza huduma za lazima ili kutegemeza kazi muhimu kuliko zote, kazi ya kuhubiri habari njema.—Marko 13:10.

  • Ni nani wanaofanya kazi Betheli, na wanatunzwa jinsi gani?

  • Ni kazi gani muhimu inayotegemezwa na huduma zinazotekelezwa Betheli?

Pata Kujua Mengi Zaidi

Video Fupi: Kampeni ya Ulimwenguni Pote ya Kuhubiri ya Mashahidi wa Yehova

Ona ni kwa nini watu huhubiri katika lugha nyingi sana wakitumia mabilioni ya saa.