Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Una Maoni Gani Kuhusu Wakati Ujao?

Una Maoni Gani Kuhusu Wakati Ujao?

Je, ulimwengu wetu . . .

  • utabaki jinsi ulivyo?

  • utakuwa mbaya hata zaidi?

  • utaboreka?

 BIBLIA HUSEMA HIVI

“Mungu . . . atafuta kila chozi kutoka katika macho yao, na kifo hakitakuwapo tena, wala maombolezo wala kilio wala maumivu hayatakuwapo tena. Mambo ya zamani yamepitilia mbali.”—Ufunuo 21:3, 4, Tafsiri ya Ulimwengu Mpya.

FAIDA ZA KUAMINI JAMBO HILO

Kazi yenye maana na inayoridhisha. —Isaya 65:21-23.

Hakutakuwako tena na magonjwa au mateso ya aina yoyote ile.—Isaya 25:8; 33:24.

Maisha yenye furaha yasiyo na mwisho pamoja na familia na marafiki. —Zaburi 37:11, 29.

 JE, KWELI TUNAWEZA KUAMINI KILE AMBACHO BIBLIA HUSEMA?

Ndiyo, kwa angalau sababu mbili:

  • Mungu ana uwezo wa kutimiza ahadi hiyo. Katika Biblia, ni Yehova Mungu peke yake anayeitwa “Mweza-Yote,” kwa kuwa ana nguvu zisizo na mipaka. (Ufunuo 15:3) Kwa hiyo anaweza kutimiza kabisa ahadi yake ya kuubadili ulimwengu wetu uwe mzuri zaidi. Kama Biblia inavyosema, “kwa Mungu mambo yote yanawezekana.” —Mathayo 19:26.

  • Mungu anatamani kutimiza ahadi hiyo. Kwa mfano, Yehova ‘anatamani sana’ kuwafufua watu waliokufa.—Ayubu 14:14, 15.

    Pia, Biblia inaonyesha kwamba Mwana wa Mungu, Yesu, aliwaponya wagonjwa. Kwa nini alifanya hivyo? Ni kwa sababu alitaka kufanya hivyo. (Marko 1:40, 41) Yesu alimwiga Baba yake kikamili kwa kutamani kuwasaidia waliokuwa na uhitaji.—Yohana 14:9.

    Kwa hiyo, tunaweza kuwa na uhakika kwamba Yehova na Yesu wanataka kutusaidia tufurahie maisha wakati ujao!—Zaburi 72:12-14; 145:16; 2 Petro 3:9.

 JAMBO LA KUFIKIRIA

Mungu ataubadilishaje ulimwengu wetu uwe mzuri zaidi?

Biblia inajibu swali hilo kwenye MATHAYO 6:9, 10 na DANIELI 2:44.

Pata Kujua Mengi Zaidi

Mungu Ana Kusudi Gani Kuelekea Dunia?

Biblia inaeleza kwa nini mungu aliumba dunia, kuteseka kutakapoisha, na wakati ujao wa dunia na wale watakao kaa ndani yake.

Ufalme wa Mungu Ni Nini?

Mfalme wa Ufalme wa Mungu ni nani, na Ufalme huo utafanya nini?