Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Ni Nini Siri ya Kuwa na Maisha ya Familia Yenye Furaha?

Ni Nini Siri ya Kuwa na Maisha ya Familia Yenye Furaha?

Je, unafikiri ni . . .

  • upendo?

  • pesa?

  • jambo lingine?

 BIBLIA HUSEMA HIVI

“Wenye furaha ni wale wanaolisikia neno la Mungu na kulishika!”—Luka 11:28, Tafsiri ya Ulimwengu Mpya.

FAIDA ZA KUAMINI JAMBO HILO

Kupata upendo wa kweli.—Waefeso 5:28, 29.

Kufurahia heshima ya kweli. —Waefeso 5:33.

Kupata usalama wa kweli. —Marko 10:6-9.

 JE, KWELI TUNAWEZA KUAMINI KILE AMBACHO BIBLIA HUSEMA?

Ndiyo, kwa angalau sababu mbili:

  • Mungu ndiye Mwanzilishi wa familia. Biblia inasema kwamba “kila familia . . . hupata jina kutokana” na Yehova Mungu. (Waefeso 3:14, 15) Kwa maneno mengine, Yehova ndiye mwanzilishi wa mpango wa familia. Kwa nini jambo hilo ni muhimu?

    Fikiria jambo hili: Ikiwa unafurahia chakula chenye ladha nzuri na ungependa kujua ni viungo gani vilivyotumiwa kukitayarisha, ungemuuliza nani? Bila shaka, yule aliyekipika.

    Vivyo hivyo, ili kujua kinachofanya maisha ya familia yawe yenye furaha, inafaa kumtegemea Yehova, Mwanzilishi wa mpango wa familia.—Mwanzo 2:18-24.

  • Mungu anakujali. Ni jambo la hekima kwa familia kufuata mashauri ya Yehova anayotoa kupitia Neno lake. Kwa nini? “Kwa sababu yeye anawajali ninyi.” (1 Petro 5:6, 7) Yehova anakujali sana—na sikuzote mashauri yake hutufaidi!—Methali 3:5, 6; Isaya 48:17, 18.

 JAMBO LA KUFIKIRIA

Unawezaje kuwa mume, mke, au mzazi mzuri?

Biblia inajibu swali hilo kwenye WAEFESO 5:1, 2 na WAKOLOSAI 3:18-21.

Pata Kujua Mengi Zaidi

Unaweza Kuwa Familia Yenye Furaha

Unaweza kuwa na ndoa au familia yenye furaha unapotumia kanuni za Biblia.