Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

Je, Kuteseka Kutawahi Kuisha?

Je, Kuteseka Kutawahi Kuisha?

Je, Ungesema . . .

  • ndio?

  • la?

  • labda?

 BIBLIA HUSEMA HIVI

“Mungu . . . atayafuta machozi yao yote, maana hakutakuwako tena na kifo, wala uchungu, wala kilio, wala maumivu.” —Ufunuo 21:3, 4, Habari Njema kwa Watu Wote.

FAIDA ZA KUAMINI JAMBO HILO

Uhakikisho wa kwamba Mungu hasababishi matatizo yetu.—Yakobo 1:13.

Faraja kutokana na kujua kwamba Mungu anaelewa kabisa tunavyohisi tunapoteseka.—Zekaria 2:8.

Tumaini la kwamba kuteseka kote kutaisha.—Zaburi 37:9-11.

 JE, KWELI TUNAWEZA KUAMINI KILE AMBACHO BIBLIA HUSEMA?

Ndiyo, kwa angalau sababu mbili:

  • Mungu huchukia mateso na ukosefu wa haki. Hebu wazia jinsi Yehova Mungu alivyohisi watu wake katika nyakati za Biblia walipoteswa kikatili. Biblia inasema kwamba alifadhaika kwa sababu ya “wale waliokuwa wakiwasukuma huku na huku.”—Waamuzi 2:18, Tafsiri ya Ulimwengu Mpya.

    Mungu hafurahishwi hata kidogo na wale wanaowaumiza wengine. Kwa mfano, Biblia inasema kwamba anachukia “mikono inayomwaga damu isiyo na hatia.”—Methali 6:16, 17.

  • Mungu anatujali tukiwa mtu mmoja mmoja. Si kila mmoja wetu tu anayejua “pigo lake na maumivu yake mwenyewe” bali hata Yehova anayajua maumivu hayo!2 Mambo ya Nyakati 6:29, 30.

    Kupitia Ufalme wake, hivi karibuni Yehova ataondoa mateso yanayomkabili kila mtu. (Mathayo 6:9, 10) Kwa sasa, anawafariji kwa wororo wale wanaomtafuta kwa moyo wote.—Matendo 17:27; 2 Wakorintho 1:3, 4.

 JAMBO LA KUFIKIRIA

Kwa nini Mungu anaruhusu watu wateseke?

Biblia inajibu swali hilo kwenye WAROMA 5:12 na 2 PETRO 3:9.

 

Pata Kujua Mengi Zaidi

Kwa Nini Mungu Anaruhusu Uovu na Kuteseka?

Uovu ulianzaje, na kwa nini Mungu ameruhusu uendelee? Je, kuteseka kutaisha?