Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

2017— Kitabu cha Mwaka cha Mashahidi wa Yehova

 MATUKIO MUHIMU YA MWAKA ULIOPITA

JW Broadcasting ‘Hutuimarisha na Kutuburudisha!’

JW Broadcasting ‘Hutuimarisha na Kutuburudisha!’

TANGU kilipoanzishwa mwaka wa 2014, kituo cha Intaneti cha Televisheni kinachoitwa JW Broadcasting kimeendelea kuandaa kitia moyo na burudisho kwa watazamaji wengi katika maeneo mbalimbali duniani. Kituo hicho sasa kinapatikana katika lugha zaidi ya 90. Kwa mfano, sasa programu hizo zinatafsiriwa katika lugha ya Ewe, Ga, na Twi (kama inavyoonyeshwa), kwa ajili ya wahubiri zaidi ya 130,000 wa nchi ya Benin, Côte d’Ivoire, Ghana, na Togo. *

Agatha ambaye ni mke wa mwangalizi wa mzunguko nchini Ghana, alisema hivi: “Ninahisi ni kana kwamba Yehova anaongea nami katika sebule yangu ninapowasikiliza washiriki wa Baraza linaloongoza na wasaidizi wao. Bila programu hiyo, mimi mtu wa hali ya chini na ninayeishi  katika nchi ya mbali sana ningewezaje kupata pendeleo hilo la pekee la kuwasikiliza ndugu hao? Njia hii imetuleta karibu zaidi na ndugu na dada zetu wapendwa kotekote ulimwenguni.”

Kutoka nchini Zambia tumepokea ripoti iliyosema: “Licha ya kuwa na hali ngumu za kiuchumi, wahubiri wa makutaniko mengi hufanya jitihada ili wafaidike na programu za JW Broadcasting. Kwa mfano, Kutaniko la Misako liko umbali wa kilometa 30 kutoka katika mji ulio karibu na ni eneo lililojitenga la mashambani ambalo mito yake hufurika wakati wa mvua za masika.” Simon, mtumishi wa huduma anayejitolea katika eneo hilo lenye uhitaji mkubwa, anaeleza hivi: “Kila mwezi ndugu hutembea kwa saa mbili hivi ili kufika barabara kuu na kisha kusafiri na usafiri wa umma kwenda mjini ambako anaweza kupakua programu hizo. Mwanaume fulani mwenye umri wa miaka 70 pamoja na watoto wake wawili hawakuwahi kuhudhuria mikutano ya Mashahidi wa Yehova, lakini alipohudhuria alivutiwa sana kuona video zikionyeshwa katika eneo hilo la kijijini. Mwanaume huyo mwenye umri mkubwa alisema hivi, ‘Hii ndiyo njia ya kujifunza kumhusu Mungu.’”

Barua ya shukrani kutoka nchini Urusi ilisema hivi: “Tumekuwa tukitazama programu ya JW Broadcasting kwa mwaka mmoja sasa, nasi tunafurahia kutazama programu hizo. Tulipotazama programu hiyo kwa mara ya kwanza, tulihisi kwamba tuko miongoni mwa undugu wa ulimwenguni pote! Inasisimua sana! Tunahisi kwamba tuko miongoni mwa familia kubwa! Tunafurahia sana kuwaona ndugu zetu wapendwa wa Baraza Linaloongoza. Wanajitahidi sana kutuandalia chakula kwa wakati unaofaa, na sasa wako jirani nasi. Tunatarajia kwa hamu programu hiyo ya kila mwezi. Tunajivunia hata zaidi kubeba jina Mashahidi  wa Yehova. Asanteni sana, ndugu zetu wapendwa! Tunamshukuru sana Yehova na Kristo kwa kazi zote nzuri. Zinatuimarisha na kutuburudisha!”

Horst na Helga, wenzi wa ndoa wenye umri mkubwa na wenye matatizo ya afya waishio nchini Ujerumani, waliandika hivi: “JW Broadcasting ni programu ya pekee. Tunaimarishwa hasa pale tunapotazama mambo yaliyoonwa kutoka kwa ndugu na dada wenye udhaifu. Mifano yao inatuchochea kufanya yote tunayoweza licha ya matatizo yetu ya afya. Kuona ndugu aliye na tatizo la kupooza akitumika akiwa mzee, tulijifunza kwamba kila mtu anaweza kumpatia Yehova kitu fulani chenye thamani. Tunapoona mifano hiyo ya ndugu na dada zetu, tunamshukuru Yehova na kusali kwamba azidi kuwabariki.”

Kodi anayeishi nchini Uingereza, alisema hivi: “Asanteni sana kwa muda na jitihada mnazofanya ili kuandaa jw.org, JW Broadcasting, na video za Caleb na Sofia. Asanteni kwa kufanya Biblia ieleweke kwa urahisi kwetu. Nilibatizwa nilipokuwa na miaka nane. Nikiwa mkubwa nitajitolea kufanya kazi ya ujenzi wa Majumba ya Ufalme! Na pia ningependa kutumikia Betheli. Kwa sasa nina miaka tisa, muda sio mrefu nitatimiza miradi yangu.”

Arabella mtoto mwenye umri wa miaka nane anayeishi nchini Uingereza aliandika hivi: “Asanteni kwa video na mkusanyo wa mazoezi. Kwa kweli zinanisaidia kumjua Yehova vizuri zaidi. Sehemu ya mkusanyo wa mazoezi kwenye jw.org hunisaidia kujifunza kumhusu Yehova na wakati huohuo hunifurahisha. Mnaandaa nyimbo nzuri sana ambazo kila mtu anaweza kuzikumbuka. Video za Caleb na Sofia zinanisaidia sana. Asanteni kwa kazi ngumu mnayofanya.”

^ fu. 3 Unaweza kutazama JW Broadcasting kwa kutembelea tv.jw.org.