Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

2017— Kitabu cha Mwaka cha Mashahidi wa Yehova

Mexico: Walijifunza maandishi ya vipofu pamoja

 KUHUBIRI NA KUFUNDISHA DUNIANI POTE

Amerika

Amerika
  • IDADI YA NCHI 57

  • IDADI YA WATU 998,254,087

  • IDADI YA WAHUBIRI 4,154,608

  • IDADI YA WAHUBIRI 4,353,152

“Tutajifunza Pamoja”

Ismael, anayeishi nchini Mexico, aliamua kusoma Biblia nzima. Kwa mwaka moja, alikuwa ameisoma mara mbili, lakini baadaye akapoteza uwezo wa kuona. Baada ya miaka kadhaa, Ángel ambaye ni Shahidi wa Yehova, alikutana na Ismael na kuzungumza naye kuhusu ahadi za Mungu. Ismael alitamani  kujifunza mengi, lakini alisema hivi, “Mimi ni kipofu; siwezi kusoma Biblia.”

Ángel alimhakikishia hivi, “Usijali, nitakufundisha maandishi ya vipofu.”

Ismael akamwuliza, “Unajua kusoma maandishi ya vipofu?”

Ángel akajibu hivi “Sijui, lakini tutajifunza pamoja.” Ismael hakuamini kwamba Ángel angefanya hivyo. Hata hivyo Ángel alienda nyumbani, akafanya utafiti kuhusu jinsi ya kusoma maandishi ya vipofu, na kuchonga maandishi kwenye ubao mdogo. Kisha, akaanza kumfundisha Ismael kusoma maandishi ya vipofu. Baada ya muda mfupi, Ismael alijua kusoma maandishi ya vipofu, akaanza kuhudhuria mikutano, na kusoma machapisho yaliyokuwa katika maandishi ya vipofu. Kwa sasa, Ángel ana wanafunzi wanne wa Biblia walio vipofu. Wanapenda kuzungumzia tumaini la wakati ujao la paradiso ambapo wataweza kuona tena.

Hakumtambua

Viannei, dada mwenye umri wa miaka 14, nchini Marekani, aliandika hivi: “Kwenye somo la elimu ya jamii, mwalimu wangu alianza kuzungumza kuhusu dini. Alituambia tutaje baadhi ya dini hizo, hivyo nikataja Mashahidi wa Yehova. Wanafunzi wenzangu walicheka, wakisema kwamba tunapoteza muda wao, na hatuna kazi nyingine ya kufanya na kwamba wao hutupa  machapisho yetu. Hata mwalimu alikuwa akisema mambo yasiyofaa kutuhusu.

“Kwa hiyo nikamwomba Yehova anipe ujasiri wa kutoa ushahidi. Niliwaambia kwamba sisi huwatembelea, si kwa sababu tunataka kuwapotezea muda, lakini kwa sababu Yehova ametutuma tuwape ushauri mzuri unaotegemea Biblia. Nikawaomba wasitupe machapisho yetu kwa kuwa yanaweza kubadili maisha yao na  kuwaokoa. Mwalimu wangu aliomba msamaha, akaahidi kwamba wakati ujao Shahidi akimtembelea atafungua mlango, asikilize, na atasoma machapisho yetu. Sikuamini alimaanisha alichosema.

“Nilimwona miezi minne baadaye, na nikashangaa kugundua kwamba alikuwa akijifunza Biblia. Miezi sita baadaye, alinitafuta shuleni ili anishukuru kwa kumhubiria. Hata sikumtambua, kwa sababu alikuwa amenyoa  nywele na ndevu. Sasa yeye ni mhubiri ambaye hajabatizwa.”

Kuhubiri Katika Eneo la Amazoni

Mwaka jana, eneo la Amazoni ambalo ni kubwa sana, lilikaziwa uangalifu na watu wa Yehova nchini Brazili. Wengi katika eneo hilo hawakuwa wamepata nafasi ya kusikia habari njema. Wakiwa na hilo akilini, Baraza Linaloongoza walikubali kampeni ya pekee ya mwaka mmoja ya kuwafikia maelfu ya watu wanaoishi katika baadhi ya maeneo ya mbali ya Amazoni.

Brazil: Kuhubiri katika eneo la Amazoni

Ofisi ya tawi ilichagua miji 53 iliyotawanyika kandokando ya Mto Amazoni na kuwatuma wahubiri wa Ufalme katika kipindi hicho. Kwa miezi minne tu, wahubiri zaidi ya 6,500 walijitolea.

Katika mji wa mbali wa Anamã, ambako hakukuwa na wahubiri wa Ufalme, ndugu na dada kumi walikaa kwa siku 11, wakaacha machapisho zaidi ya 12,500 na kuanzisha mafunzo ya Biblia 200, ambayo sasa yanaongozwa kupitia simu. Wakiwa huko, akina ndugu pia waliongoza mikutano. Katika mkutano wa mwisho uliofanywa kabla hawajaondoka, walifurahi sana watu 90 walipohudhuria. Matokeo kamili ya kampeni hiyo bado hayajaonekana.

Apendekeza jw.org

Kwa miaka sita, Jehizel na Mariana wamekuwa wakisoma pamoja nchini Venezuela. Kwa sababu Jehizel ni Shahidi wa Yehova, mara kwa mara alidhihakiwa na Mariana. Mariana alisadiki kwamba Jehizel hakujua jinsi ya kufurahia maisha. Siku moja, baada ya kudhihakiwa sana, dada yetu alisema hivi: “Mariana, tembelea  tovuti yetu, jw.org. Halafu nenda kwenye ‘Video,’ kisha bonyeza ‘Vijana.’”

Siku hiyo mchana, Mariana alimpigia Jehizel simu. Akamwambia: “Sasa ninajua kwa nini unafanya haya yote.”

Kwa kuwa hakujua alichomaanisha, Jehizel alimwuliza, “Unanidhihaki tena?”

Mariana akamjibu: “Hapana, sitakudhihaki tena kamwe. Kwa msaada wako, sasa ninatambua kwamba kile nilichofikiria ni ‘kufurahia maisha’ kilikuwa ndicho chanzo cha matatizo yangu mengi.” Mipango ilifanywa ili Mariana ajifunze Biblia kwa ukawaida, na sasa anahudhuria mikutano yote.

 Maswali kwa Ajili ya Kasisi

Gérole, aliyekuwa akifanya kazi ya mwandishi katika kanisa lake nchini Haiti, alivutiwa kuona kwamba Mashahidi waliweza kujibu maswali yake yote wakitumia Biblia. Yeye na binti yake walianza kujifunza Biblia. Wakichochewa na yale waliyojifunza, waliomba kujifunza mara mbili kwa juma.

Baada ya kujifunza kwa miezi mitatu, Gérole alimfuata kasisi wa kanisa lake na kumwuliza maswali manne: “Ni mwaka gani Yesu aliwekwa rasmi kuwa Mfalme? Watu wazuri wanapokufa wanaenda wapi? Watu wabaya wanapokufa wanaenda wapi? Yesu alikufa juu ya nini, msalaba au mti?” Kasisi alimwambia angeweza kujibu swali la pili na la tatu pekee. Alisema: “Mashahidi wa Yehova wanasema ni watu 144,000 watakaoenda mbinguni. Lakini mimi ninasema wote wanaofanya mapenzi ya Mungu wataenda mbinguni. Nao waovu watachomwa milele kwenye moto wa mateso.” Alipoulizwa maandiko yanayosema hivyo, hakutaja andiko lolote. Gérole alivunjika moyo lakini aliazimia hata zaidi kuendelea kujifunza Biblia. Alijiuzulu kanisani na kusema kwamba amejifunza mengi kuhusu Biblia kwa miezi mitatu aliyojifunza na Mashahidi wa Yehova kuliko yale aliyojifunza kwa kuhudhuria kanisa hilo kwa miaka zaidi ya 30. Gérole na binti yake walibatizwa hivi karibuni na wameanzisha mafunzo ya Biblia 23 kijijini kwao.

Haiti: Gérole na binti yake wana mafunzo wengi wa Biblia