Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Habari Njema Kutoka kwa Mungu!

 SOMO LA 12

Unaweza Kumkaribia Mungu Jinsi Gani?

Unaweza Kumkaribia Mungu Jinsi Gani?

1. Je, Mungu husikiliza sala zote?

Mungu anawaalika watu wa jamii zote wamkaribie katika sala. (Zaburi 65:2) Lakini hasikilizi au kukubali sala zote. Kwa mfano, sala za mwanamume anayemtendea vibaya mke wake zinaweza kuzuiwa. (1 Petro 3:7) Pia, Waisraeli walipoendelea kutenda mambo maovu, Mungu alikataa kusikiliza sala zao. Kwa kweli, kusali kwa Mungu ni pendeleo. Isitoshe, Mungu anaweza kusikiliza sala za watu ambao wametenda dhambi nzito maadamu watu hao wanatubu.​—Soma Isaya 1:15; 55:7.

2. Tunapaswa kusali jinsi gani?

Sala ni sehemu ya ibada yetu, kwa hiyo zinapaswa kuelekezwa tu kwa Muumba wetu, Yehova. (Mathayo 4:10; 6:9) Kwa kuwa sisi si wakamilifu, tunapaswa kusali katika jina la Yesu kwa sababu alikufa kwa ajili ya dhambi zetu. (Yohana 14:6) Yehova hataki tukariri sala au turudie-rudie sala ambazo zimeandikwa. Anataka tusali kutoka moyoni.​—Soma Mathayo 6:7; Wafilipi 4:6, 7.

Muumba wetu anaweza kusikia hata sala zinazotolewa kimoyomoyo. (1 Samweli 1:12, 13) Anataka tusali kila pindi, kama vile asubuhi na jioni, wakati wa chakula, na tunapokabili matatizo.​—Soma Zaburi 55:22; Mathayo 15:36.

3. Kwa nini Wakristo hukutanika pamoja?

Si rahisi kumkaribia Mungu kwa sababu tunaishi kati ya watu wasiomwamini Mungu na wanaodhihaki ahadi yake ya kuleta amani duniani. (2 Timotheo 3:1, 4; 2 Petro 3:3, 13) Kwa hiyo, tunahitaji kuwa na ushirika wenye kujenga pamoja na waamini wenzetu.​—Soma Waebrania 10:24, 25.

 Kushirikiana na watu wanaompenda Mungu kunatusaidia kumkaribia Mungu. Mikutano ya Mashahidi wa Yehova inatupa nafasi ya kujengwa kupitia imani ya wengine.​—Soma Waroma 1:11, 12..

4. Unaweza kumkaribia Mungu jinsi gani?

Unaweza kumkaribia Yehova kwa kutafakari mambo ambayo umejifunza katika Neno lake. Tafakari kuhusu matendo yake, maagizo yake, na ahadi zake. Kusali na kutafakari kutatusaidia tuthamini kikweli upendo na hekima ya Mungu.​—Soma Yoshua 1:8; Zaburi 1:1-3.

Unaweza kumkaribia Mungu ikiwa tu utamtegemea na kumwamini. Hata hivyo, imani ni kama mmea unaohitaji lishe. Lazima uendelee kuilisha imani yako kwa kuchanganua msingi wa mambo unayoamini.​—Soma Mathayo 4:4; Waebrania 11:1, 6.

5. Utafaidika jinsi gani kwa kumkaribia Mungu?

Yehova anawajali wale wanaompenda. Anaweza kuwalinda dhidi ya chochote kinachoweza kuhatarisha imani na tumaini lao la uzima wa milele. (Zaburi 91:1, 2, 7-10) Anatuonya dhidi ya mwenendo unaoweza kuhatarisha afya na furaha yetu. Yehova anatufundisha njia bora zaidi ya maisha.​—Soma Zaburi 73:27, 28; Yakobo 4:4, 8.