Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Habari Njema Kutoka kwa Mungu!

 SOMO LA 1

Habari Njema Ni Nini?

Habari Njema Ni Nini?

1. Kuna habari gani kutoka kwa Mungu?

Mungu anataka watu wafurahie maisha duniani. Aliiumba dunia na vyote vilivyomo kwa sababu anawapenda wanadamu. Hivi karibuni ataleta hali nzuri kwa watu duniani pote. Atawaondolea wanadamu mambo yote yanayowafanya wateseke.Soma Yeremia 29:11.

Hakuna serikali ambayo imewahi kufanikiwa kuondoa jeuri, magonjwa, au kifo. Hata hivyo, kuna habari njema. Hivi karibuni, Mungu ataondoa serikali zote za wanadamu na kusimamisha serikali yake mwenyewe. Raia wa serikali yake watafurahia amani na afya nzuri.Soma Isaya 25:8; 33:24; Danieli 2:44.

2. Kwa nini habari njema ni muhimu sana leo?

Kuteseka kutaisha wakati ambapo Mungu atawaondolea mbali watu waovu duniani. (Sefania 2:3) Hilo litatendeka wakati gani? Neno la Mungu lilitabiri kuhusu hali zinazowakumba wanadamu leo. Hali hizo zinaonyesha kwamba wakati wa Mungu kuchukua hatua umekaribia.Soma 2 Timotheo 3:1-5.

3. Tunapaswa kufanya nini?

Tunapaswa kujifunza kumhusu Mungu kutoka katika Neno lake, Biblia. Hiyo ni kama barua kutoka kwa baba anayetupenda. Inatuambia jinsi tunavyoweza kufurahia maisha mazuri sasa na jinsi tunavyoweza kufanya ili tufurahie uzima wa milele duniani wakati ujao. Ni kweli kwamba huenda wengine wasifurahie kuona ukipata msaada wa kuielewa Biblia. Lakini, kwa kuwa Mungu anatuahidi wakati ujao ulio bora, hatupaswi kuwaruhusu wengine watuvunje moyo tusijifunze kuhusu wakati huo.Soma Methali 29:25; Ufunuo 14:6, 7.

Pata Kujua Mengi Zaidi

Kwa Nini Ujifunze Biblia?

Biblia inawapa mamilioni ya watu ulimwenguni pote majibu ya maswali muhimu maishani. Je, ungependa kuwa mmoja wao?