Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Habari Njema Kutoka kwa Mungu!

 SOMO LA 15

Kwa Nini Uendelee Kujifunza Kuhusu Habari Njema?

Kwa Nini Uendelee Kujifunza Kuhusu Habari Njema?

1. Kuendelea kujifunza Biblia kutakunufaishaje?

Bila shaka, mafundisho haya ya msingi ya Biblia tuliyopitia yameimarisha upendo wako kwa Yehova. Upendo huo unahitaji kuendelea kusitawishwa. (1 Petro 2:2) Ili upate uzima wa milele lazima uendelee kumkaribia Mungu kwa kusoma Neno lake.Soma Yohana 17:3; Yuda 21.

Kadiri unavyoendelea kupata ujuzi juu ya Mungu ndivyo imani yako itakavyokuwa na nguvu zaidi. Imani itakusaidia kumpendeza Mungu. (Waebrania 11:1, 6) Itakuchochea utubu na kufanya mabadiliko muhimu katika maisha yako.Soma Matendo 3:19.

2. Ujuzi wako kumhusu Mungu unaweza kuwanufaishaje wengine?

Unaweza kuingia katika uhusiano wa pekee pamoja na Yehova

Bila shaka una hamu ya kuwaambia wengine mambo ambayo umejifunza—sisi sote hufurahia kuwaambia wengine habari njema. Kadiri unavyoendelea kusoma Biblia, utajifunza jinsi ya kuitumia kuwahubiria wengine kuhusu Yehova na habari njema.Soma Waroma 10:13-15.

Watu wengi huanza kwa kuwahubiria habari njema marafiki au watu wa ukoo. Uwe mwenye busara. Badala ya kuwaambia kwamba dini yao si ya kweli, waambie kuhusu ahadi za Mungu. Pia, kumbuka kwamba kwa kawaida watu watavutiwa na mwenendo wako mzuri kuliko hata yale unayosema.Soma 2 Timotheo 2:24, 25.

3. Unaweza kufurahia uhusiano gani na Mungu?

Kujifunza Neno la Mungu kunaweza kukusaidia kukua kiroho. Hatimaye, unaweza kuingia katika uhusiano wa pekee sana na Yehova. Kwa kweli, unaweza kuwa mali yake ukiwa sehemu ya familia yake.Soma 2 Wakorintho 6:18.

 4. Unaweza kufanya maendeleo ya kiroho jinsi gani?

Unaweza kufanya maendeleo ya kiroho kwa kuendelea kujifunza Neno la Mungu. (Waebrania 5:13, 14) Unaweza kumwomba Shahidi wa Yehova ajifunze Biblia pamoja nawe kwa kutumia kitabu Biblia Inatufundisha Nini? Kadiri unavyoendelea kujifunza kutoka katika Neno la Mungu, ndivyo utakavyozidi kufanikiwa katika maisha.Soma Zaburi 1:1-3; 73:27, 28.

Habari njema inatoka kwa Yehova, Mungu mwenye furaha. Unaweza kumkaribia kwa kushirikiana na watu wake. (Waebrania 10:24, 25) Unapoendelea kujikakamua kumpendeza Yehova, unajitahidi kuupata uzima ulio wa kweli, yaani, uzima wa milele. Kumkaribia Mungu ndilo jambo bora zaidi unaloweza kufanya.Soma 1 Timotheo 1:11; 6:19.

 

Pata Kujua Mengi Zaidi

Ni Nini Hutendeka Katika Jumba la Ufalme?

Jionee mwenyewe mambo ambayo hutendeka ndani ya Jumba la Ufalme.

Kwa Nini Ujifunze Biblia?

Biblia inawapa mamilioni ya watu ulimwenguni pote majibu ya maswali muhimu maishani. Je, ungependa kuwa mmoja wao?