Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Unaweza Kuwa Familia Yenye Furaha

 SEHEMU YA 4

Jinsi ya Kupanga Matumizi ya Pesa

Jinsi ya Kupanga Matumizi ya Pesa

“Kwa shauri mipango yenyewe hufanywa imara.”Methali 20:18

Sisi sote tunahitaji pesa ili kuandalia familia zetu mahitaji yao. (Methali 30:8) Ni kweli kwamba “pesa ni ulinzi.” (Mhubiri 7:12) Mkiwa wenzi wa ndoa, huenda ikawa vigumu kwenu kuzungumzia mambo ya pesa, lakini msiruhusu pesa zivuruge ndoa yenu. (Waefeso 4:32) Mume na mke wanapaswa kuaminiana na kushirikiana wanapopanga matumizi ya pesa.

 1 PANGENI KWA MAKINI

BIBLIA INASEMA HIVI: “Ni nani kati yenu anayetaka kujenga mnara ambaye haketi kwanza na kuhesabu gharama, ili aone kama ana kiasi cha kutosha kuukamilisha?” (Luka 14:28) Ni muhimu kwenu kupanga pamoja jinsi ya kutumia pesa zenu. (Amosi 3:3) Amueni vitu mnavyohitaji na kiasi mnachoweza kutumia. (Methali 31:16) Kama mna pesa za kununua kitu fulani, hilo halimaanishi kwamba lazima mkinunue. Jitahidini kuepuka madeni. Tumieni tu pesa mlizo nazo.Methali 21:5; 22:7.

UNACHOWEZA KUFANYA:

  • Kama pesa fulani zinabaki mwisho wa mwezi, amueni mtakavyozitumia

  • Kama kuna upungufu, fanyeni mipango ya kupunguza matumizi. Kwa mfano, mnaweza kula nyumbani badala ya kula mikahawani

 2 ZUNGUMZIENI MAMBO HUSUSA WAZIWAZI

BIBLIA INASEMA HIVI: “Tunafanya mpango wa unyoofu, si machoni pa Yehova tu, bali pia machoni pa wanadamu.” (2 Wakorintho 8:21) Uwe mnyoofu unapomwambia mwenzi wako kuhusu pesa unazopata na kiasi unachotumia.

Sikuzote shauriana na mwenzi wako unapofanya maamuzi makubwa kuhusu pesa. (Methali 13:10) Kuzungumza kuhusu pesa kutasaidia kudumisha amani katika ndoa yenu. Ona mapato yako, si kama pesa zako, bali kama pesa za familia.1 Timotheo 5:8.

UNACHOWEZA KUFANYA:

  • Kubalianeni kuhusu kiasi ambacho kila mmoja anaweza kutumia bila kumjulisha mwenzake

  • Msingoje mpaka tatizo litokee ili mzungumze kuhusu pesa

Pata Kujua Mengi Zaidi

Matatizo ya Pesa na Madeni—Je, Biblia Inaweza Kukusaidia?

Pesa haziwezi kununua furaha, lakini kanuni nne za Biblia zinaweza kukusaidia utatue matatizo yako ya kifedha.

Jinsi ya Kudhibiti Matumizi

Usingoje hadi uishiwe na pesa ili uanze kufikiria jinsi unavyotumia pesa. Jifunze jinsi ya kudhibiti matumizi kabla hujashindwa kufanya hivyo.

Je, Nikope Pesa?

Hekima ya Biblia inaweza kukusaidia kuamua.