Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Biblia Inafundisha Nini Hasa?

Je, Hivi Ndivyo Mungu Alivyokusudia?

Je, Hivi Ndivyo Mungu Alivyokusudia?

KATIKA magazeti, televisheni, na redio, kuna habari nyingi kuhusu visa vya ugaidi, vita, na uhalifu. Hebu fikiria pia mahangaiko yako mwenyewe. Labda unasumbuliwa na ugonjwa fulani au umefiwa na mtu unayempenda. Huenda ukahisi kama alivyohisi Ayubu, aliyesema kwamba maisha yake yalikuwa ‘yamejaa masumbuko.’—Ayubu 10:15, Verbum Bible.

Hebu jiulize:

  • Je, hivi ndivyo Mungu alivyokusudia maisha yangu na ya wanadamu wengine yawe?

  • Ninaweza kupata wapi msaada wa kukabiliana na matatizo yangu?

  • Je, dunia itapata kuwa na amani?

Biblia inajibu maswali hayo kwa njia ya kuridhisha.

 BIBLIA INAFUNDISHA KWAMBA MUNGU ATATIMIZA MAMBO HAYA DUNIANI.

“Atafuta kila chozi kutoka katika macho yao, na kifo hakitakuwapo tena, wala maombolezo wala kilio wala maumivu hayatakuwapo tena.”—Ufunuo 21:4

“Kilema atapanda juu kama vile paa anavyofanya.”—Isaya 35:6

“Macho ya vipofu yatafunguliwa.”—Isaya 35:5

 ‘Wale wote waliomo ndani ya makaburi ya ukumbusho watatoka.’ —Yohana 5:28, 29

“Hakuna mkaaji atakayesema: ‘Mimi ni mgonjwa.’”—Isaya 33:24

“Kutakuwa na wingi wa nafaka duniani.”—Zaburi 72:16

 FAIDIKA NA MAFUNDISHO YA BIBLIA

Usidhani kwamba mambo yaliyo kwenye kurasa zinazotangulia ni ndoto tu. Mungu ameahidi kwamba atatimiza mambo hayo, na Biblia inaeleza jinsi atakavyofanya hivyo.

Hata hivyo, Biblia ina faida nyingine nyingi. Inaweza kukusaidia kuwa na maisha yenye kuridhisha hata sasa. Hebu tua kidogo, ufikirie mahangaiko na matatizo yako mwenyewe. Huenda yanatia ndani ukosefu wa pesa, matatizo ya familia, matatizo ya afya, au kifo cha mpendwa. Biblia inaweza kukusaidia kushughulika na matatizo leo na inaweza kukufariji kwa kujibu maswali kama haya:

  • Kwa nini tunateseka?

  • Tunawezaje kushughulika na mahangaiko ya maisha?

  • Tunawezaje kufanya maisha ya familia yetu yawe yenye furaha zaidi?

  • Inakuwaje tunapokufa?

  • Je, tutapata kuwaona wapendwa wetu waliokufa?

  • Tunawezaje kuwa na hakika kwamba Mungu atatimiza ahadi zake kuhusu wakati ujao?

 Kusoma kitabu hiki kunaonyesha kwamba ungependa kujua yale ambayo Biblia inafundisha. Kitabu hiki kitakusaidia. Sehemu ya chini ya kurasa kuna maswali yanayoambatana na mafungu. Mamilioni ya watu wamefurahia kuwa na mazungumzo ya Biblia pamoja na Mashahidi wa Yehova kwa njia ya maswali na majibu. Tunatumaini kwamba wewe pia utafurahia kufanya hivyo. Mungu na akubariki unapochukua hatua hiyo yenye kusisimua na kuridhisha ya kujifunza mambo ambayo Biblia inafundisha hasa!

Pata Kujua Mengi Zaidi

Ni Nini Hutendeka Kwenye Funzo la Biblia?

Ulimwenguni pote, Mashahidi wa Yehova wanajulikana kwa kuwa na programu ya kuwafundisha watu Biblia bila malipo. Jionee jinsi funzo hilo linavyoongozwa.