Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Kitabu Changu cha Hadithi za Biblia

Hadithi ya 115: Paradiso Mpya Duniani

Hadithi ya 115: Paradiso Mpya Duniani

TAZAMA miti ile mirefu, maua mazuri na milima mirefu. Je! hapa si pazuri? Angalia yule paa anavyokula katika mkono wa kivulana huyu. Watazame tena simba wale na farasi waliosimama pale katika shamba la majani. Ungependa kukaa katika nyumba mahali kama hapa?

Mungu anataka wewe ukae milele duniani katika paradiso. Hataki upate maumivu na uchungu unaosumbua watu leo. Biblia inaahidi hivi wale watakaokaa katika paradiso mpya: ‘Mungu atakuwa pamoja nao. Hakutakuwa tena kifo wala kulia wala maumivu. Mambo ya kale yamekwisha.’

Yesu atatokeza badiliko zuri hilo. Unajua litakea wakati gani? Baada ya kuondoa mabaya na waovu wote duniani. Kumbuka, Yesu alipokuwa hapa duniani aliponya watu magonjwa yote, hata akafufua wafu. Yesu alifanya hivyo ili aonyeshe atakavyofanya duniani pote akiwa Mfalme wa ufalme wa Mungu.

Ebu fikiri itakuwa vizuri kama nini katika paradiso mpya hapa duniani! Yesu, pamoja na wengine ambao anachagua, watakuwa wakitawala mbinguni. Watawala hao wataangalia wote duniani na kuhakikisha kwamba wanafurahi. Na tuone yanayotupasa kufanya ili tuhakikishe kwamba Mungu atatupa uzima wa milele katika paradiso yake mpya.

Ufunuo 21:3, 4; 5:9, 10; 14:1-3.

mandhari ya paradiso


Maswali

  • Biblia inaonyesha kwamba tutafurahia hali gani katika Paradiso duniani?
  • Biblia inawaahidi wale watakaoishi katika Paradiso nini?
  • Yesu ataleta mabadiliko hayo mazuri lini?
  • Yesu alipokuwa duniani, alifanya nini kuonyesha kile ambacho atafanya atakapokuwa Mfalme katika Ufalme wa Mungu?
  • Yesu na watawala wenzake wa mbinguni watahakikisha nini watakapotawala dunia wakiwa mbinguni?

Maswali ya ziada

Pata Kujua Mengi Zaidi

Ufalme wa Mungu Utatimiza Nini?

Jifunze mambo unayoweza kutazamia serikali ya Mungu itakapoanza kuitawala dunia.