Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Kitabu Changu cha Hadithi za Biblia

Hadithi ya 99: Katika Chumba cha Juu

Hadithi ya 99: Katika Chumba cha Juu

SASA ni usiku wa Alhamisi, zimepita siku mbili. Yesu na mitume wake 12 wamekuja kwenye chumba kikubwa hiki cha juu ili wale chakula cha Kupitwa. Yule mwanamume unayeona akiondoka ni Yuda Iskariote. Anakwenda kuwaambia makuhani namna ya kumkamata Yesu.

Chakula cha jioni cha Bwana

Jana, Yuda aliwaendea akawauliza: ‘Mtanipa nini nikiwasaidia kumkamata Yesu?’ Wakasema: ‘Vipande 30 vya fedha.’ Basi Yuda sasa anakutana na watu hao ili awaongoze kwa Yesu. Je! si jambo baya hilo?

Chakula cha Kupitwa ndiyo sasa chamalizika. Lakini Yesu anaanza chakula kingine cha pekee. Anawapa mitume wake mkate na kusema: ‘Uleni, kwa sababu unamaanisha mwili wangu utakaotolewa kwa ajili yenu.’ Kisha anawapa kikombe cha divai na kusema: ‘Nyweni, kwa sababu kinamaanisha damu yangu, itakayomwagwa kwa ajili yenu.’ Biblia yakiita ‘chakula cha Bwana cha jioni.’

Waisraeli walikula chakula cha Kupitwa kiwakumbushe wakati malaika wa Mungu ‘alipozipita’ nyumba zao huko Misri. Lakini sasa Yesu anataka wafuasi wake wamkumbuke, na namna alivyowatolea uhai wake.

Baada ya kula Chakula cha Bwana cha Jioni, Yesu anawaambia mitume wake wawe hodari na kuwa na imani yenye nguvu. Mwishowe, wanamwimbia Mungu nyimbo kisha wanaondoka. Ebu tuone wanakokwenda.

Mathayo 26:14-30; Luka 22:1-39; Yohana sura za 13 mpaka 17; 1 Wakorintho 11:20.



Maswali

  • Kama picha inavyoonyesha, kwa nini Yesu na mitume wake 12 wako katika chumba kikubwa kwenye orofa ya juu?
  • Mtu anayeondoka ni nani, na anakwenda kufanya nini?
  • Yesu anaanzisha mlo upi baada ya kula chakula cha Kupitwa?
  • Sherehe ya Kupitwa iliwakumbusha Waisraeli kuhusu tukio gani, na mlo huu mpya wa pekee unawakumbusha wafuasi wa Yesu kuhusu nini?
  • Baada ya Mlo wa Jioni wa Bwana, Yesu anawaambia wafuasi wake nini, nao wanafanya nini?

Maswali ya ziada