Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Kitabu Changu cha Hadithi za Biblia

Hadithi ya 89: Yesu Anasafisha Hekalu

Hadithi ya 89: Yesu Anasafisha Hekalu

YESU amekasirika sana hapa, sivyo? Unajua kwa nini amekasirika hivyo? Kwa sababu watu hawa katika hekalu la Mungu katika Yerusalemu wana tamaa sana. Wanataka kupata fedha nyingi kwa watu waliokuja hapa kumwabudu Mungu.

Yesu akipindua meza za fedha

Unawaona ng’ombe wachanga wote hao na kondoo na njiwa? Watu hao wanauza wanyama hao katika hekalu. Unajua sababu? Waisraeli wanatak sana wanyama na ndege wamtolee Mungu zawadi.

Sheria ya Mungu ilisema Mwisraeli akifanya kosa, amtolee Mungu zawadi. Nyakati nyingine, pia, iliwapasa Waisraeli watoe zawadi hizo. Lakini Mwisraeli angepata wapi ndege na wanyama wa kumtolea Mungu?

Waisraeli wengine walifuga ndege na wanyama. Hivyo wangeweza kuwatoa hao. Lakini Waisraeli wengi hawakuwa na wanyama wala ndege. Wengine walikaa mbali sana na Yerusalemu wasiweze kufikisha wanyama wao hekaluni. Basi watu walikuja hapa na kununua wanyama au ndege waliotaka. Lakini watu hawa walitaka watu walipe fedha nyingi mno. Walikuwa wakidanganya watu. Tena, hawana ruhusa ya kuuza katika hekalu la Mungu.

Ndiyo sababu Yesu amekasirika. Hivyo anapindua meza za watu wenye fedha na kutawanya fedha zao. Tena, anafanya fimbo ya kamba na kufukuza wanyama wote hekaluni. Anawaamuru watu wanaouza njiwa hivi: ‘Waondoeni humu! Acheni kufanya nyumba ya Baba yangu mahali pa biashara.’

Wafuasi wengine wa Yesu wako pamoja naye humu hekaluni katika Yerusalemu. Wanashangaa kuona Yesu akifanya hivyo. Ndipa wanakumbuka mahali ambapo Biblia inasema juu ya Mwana wa Mungu: ‘Kupenda nyumba ya Mungu kutawaka ndani yake kama moto.’

Yesu akiwa bado Yerusalemu akihudhuria Sikukuu ya Kupitwa, anafanya miujiza mingi. Kisha, Yesu anaondoka Yudea na kuanza kurudi Galilaya. Lakini njiani, anapitia wilaya ya Samaria. Na tuone yanayotokea huko.

Yohana 2:13-25; 4:3, 4.



Maswali

  • Kwa nini wanyama wanauzwa hekaluni?
  • Yesu anakasirishwa na nini?
  • Yesu anafanya nini kama unavyoona katika picha, na anawaamuru watu wanaowauza njiwa wafanye nini?
  • Wafuasi wa Yesu wanakumbuka nini wanapoona jambo hilo?
  • Yesu anapitia wilaya gani anaporudi Galilaya?

Swali la ziada

Pata Kujua Mengi Zaidi

Yesu Asafisha Hekalu

Soma masimulizi ya Biblia na utafute mambo manne ambayo si sahihi katika picha hii.