Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Kitabu Changu cha Hadithi za Biblia

Hadithi ya 11: Upinde wa Mvua wa Kwanza

Hadithi ya 11: Upinde wa Mvua wa Kwanza

UNAJUA jambo la kwanza ambalo Nuhu alifanya wakati yeye na jamaa yake walipotoka katika safina? Alimtolea Mungu zawadi. Unaweza kumwona akifanya hivyo katika picha iliyo chini. Nuhu alitoa zawadi hiyo ya wanyama ili amshukuru Mungu kwa kuokoa jamaa yake katika gharika kuu.

Safina na upinde wa mvua

Unadhani Yehova alipendezwa na zawadi hiyo? Ndiyo. Alimwahidi Nuhu kwamba hangeuharibu ulimwengu tena kwa gharika.

Upesi nchi yote ikakauka, Nuhu na jamaa yake wakaanza kuishi tena nje ya safina. Mungu akawabarikia na kuwaambia: ‘Zaeni watoto wengi. Mwongezeke mpaka watu waishi pote duniani.’

Lakini baadaye, labda watu wangeogopa kwamba gharika kama hiyo ingetokea tena. Basi Mungu alitoa kitu cha kukumbusha watu ahadi yake kwamba hataifunika tena dunia yote kwa maji. Unajua ni kitu gani? Upinde wa mvua.

Nuhu na familia yake

Umepata kuuona? Unaona mmoja katika picha hii?

Mungu aliahidi hivi: ‘Watu wote na wanyama hawataharibiwa tena kwa gharika. Ninaweka upinde wangu wa mvua katika mawingu. Upinde wa mvua utakapoonekana, nitauona nikumbuke ahadi yangu.’

Basi unapoona upinde wa mvua, unakukumbusha nini? Ahadi ya Mungu kwamba hatauharibu ulimwengu tena kwa gharika kuu.

Mwanzo 8:18-22; 9:9-17.



Maswali

  • Kama picha inavyoonyesha Nuhu alifanya nini mara alipotoka katika safina?
  • Mungu alimpa Nuhu na familia yake amri gani baada ya Gharika?
  • Mungu alitoa ahadi gani?
  • Tunapouona upinde wa mvua, tunapaswa kukumbuka nini?

Maswali ya ziada

Pata Kujua Mengi Zaidi

Noa Alilindwa Akiwa “Salama Pamoja na Wengine Saba”

Noa na familia yake waliokokaje kipindi kigumu zaidi katika historia ya wanadamu?