Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Kitabu cha Mwaka 2016 cha Mashahidi wa Yehova

 INDONESIA

Kusanyiko la Kihistoria

Kusanyiko la Kihistoria

KUANZIA Agosti 15-18, 1963, mamia ya wahubiri kutoka maeneo yote nchini na wageni 122 walikusanyika katika jiji la Bandung, Java Magharibi. Walifika ili kuhudhuria kusanyiko lenye kichwa “Habari Njema za Milele”, kusanyiko la kwanza la kimataifa kufanywa nchini Indonesia.

Walipokuwa wakijitayarisha, Ndugu walikabili vipingamizi vingi. Walibadili uwanja mara tatu ili kupisha sherehe ya Siku ya Uhuru wa taifa. Wenye mamlaka walipopandisha nauli kwa asilimia 400, baadhi ya wajumbe walibadili aina ya usafiri waliokuwa wamepanga kutumia. Ndugu mmoja alitembea kwa siku sita ili kufika kusanyikoni. Wajumbe sabini kutoka Sulawesi walisafiri kwa siku tano katika boti zilizokuwa zimejaa sana ili kuhudhuria kusanyiko hilo.

Kusanyikoni, wajumbe wa Indonesia walishangilia kukutana na ndugu na dada Wakristo kutoka nchi nyingine kutia ndani washiriki wawili wa Baraza linaloongoza, Frederick Franz na Grant Suiter. Mjumbe mmoja alisema hivi: “Akina ndugu wana furaha sana, wakati wote wanacheka na kutabasamu.”

Zaidi ya watu 750 walihudhuria kusanyiko hilo, na 34 walibatizwa. Ronald Jacka alisema hivi: “Hudhurio hilo kubwa liliwachochea watu wengi waliopendezwa kuchukua msimamo kwa ajili ya kweli, pia liliongeza bidii ya ndugu wenyeji katika ya kazi ya Mungu.”

Ronald Jacka (kulia) akitoa hotuba katika kusanyiko lenye kichwa “Habari Njema za Milele” mwaka wa 1963 akiwa na mkalimani

Pata Kujua Mengi Zaidi

Kwa Nini Mashahidi wa Yehova Wanahudhuria Makusanyiko?

Kila mwaka tunahudhuria matukio matatu ya pekee. Unaweza kufaidika jinsi gani kutokana na matukio hayo?