Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Kitabu cha Mwaka 2016 cha Mashahidi wa Yehova

 INDONESIA

Hatimaye Tumeungana Tena!

Limesimuliwa na Linda na Sally Ong

Hatimaye Tumeungana Tena!

Linda: Nilipokuwa na umri wa miaka 12, mama yangu aliniambia kwamba nina mdogo wangu anayeishi na familia nyingine. Nilijiuliza ikiwa yeye ni kiziwi pia. Hata hivyo, niliendelea kukua bila kufahamiana naye.

Sally: Sikujua kwamba nilikuwa mtoto wa kambo. “Mama yangu wa kambo” alinipiga kikatili na kunitumikisha, hivyo nilikuwa mwenye huzuni na mpweke, hali hiyo iliongezea mzigo mwingine juu ya uziwi. Hatimaye nilikutana na Mashahidi wa Yehova na kuanza kujifunza Biblia. Mama wa kambo alipogundua, alinichapa kwa mkanda na kubadili makufuli ya mlango ili kunifungia ndani. Nilipokuwa na umri wa miaka 20, nilitoroka nyumbani, kisha, Mashahidi wakanikaribisha. Mwanzoni mwa mwaka wa 2012, nikabatizwa.

 Linda: Nilipokuwa na umri wa miaka 20, nilianza kujifunza na Mashahidi wa Yehova. Baadaye nilianza kuhudhuria makusanyiko ya wilaya jijini Jakarta, ambako hotuba zilitafsiriwa kwa ajili ya viziwi. Huko nilikutana na viziwi wengine kutia ndani Sally, msichana Shahidi aliyeishi Sumatra Kaskazini. Nilihisi tunafanana lakini sikuzingatia.

Sally: Mimi na Linda tukawa marafiki. Nilihisi tunafanana, lakini nilipuuza.

Linda: Agosti 2012, siku moja kabla ya kubatizwa, nilitamani sana kumtafuta mdogo wangu. Nikasali hivi kwa Yehova “Tafadhali nisaidie nimpate mdogo wangu, ninataka nimweleze kukuhusu.” Muda mfupi baadaye, bila kutarajia mama yangu alipata ujumbe kutoka kwa mtu aliyekuwa na taarifa za mdogo wangu tuliyepotezana naye. Huo ukawa mwanzo wa matukio mengi yaliyofanya tuonane na Sally.

Sally: Linda aliponieleza kwamba alikuwa dada yangu, mara moja nilisafiri kwenda Jakarta ili nikutane naye. Nilipomaliza vizuizi vya ukaguzi vya uwanja wa ndege nilimwona Linda akiwa na baba, mama na dada zangu wengine wakubwa wakinisubiri. Nilifurahi sana. Walinikumbatia na kunibusu, mama alinikumbatia kwa muda mrefu. Kila mtu alilia. Huku wakitoa machozi, baba na mama waliniomba msamaha kwa kuniacha kwa mama wa kambo, na sote tukalia na kukumbatiana tena na tena.

Linda: Kwa kuwa tulilelewa tofauti, tulihitaji kujifunza jinsi ya kushughulikia tofauti zetu za utu na tabia. Hata hivyo, tunapendana sana.

Sally: Sasa Mimi na Linda tunaishi pamoja na kuhudhuria mikutano katika kutaniko la lugha ya ishara la Jakarta.

Linda: Mimi na Sally tulipotezana kwa miaka zaidi ya 20. Tunamshukuru Yehova kwamba hatimaye tumeungana tena!