KWA KUWA waabudu wa kweli wanaamini kwamba Yehova ni Chanzo cha nuru ya kiroho, husali kwa bidii ‘nuru na kweli’ ya Mungu iwaongoze. (Zab. 43:3) Ingawa ulimwengu uko katika giza zito la kiroho, Mungu wa kweli anaendelea kuwaangazia nuru watu wake. Hivyo, njia yao ni ‘ni kama nuru inayong’aa na inayozidi kuongezeka.’ (Met. 4:18) Nuru ya Yehova inayoongezeka inaendelea kuwaangazia kitengenezo, kimafundisho na kimaadili. Ni baadhi ya uelewaji gani mpya ambao tumepata hivi karibuni?