Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Kitabu cha Mwaka 2016 cha Mashahidi wa Yehova

 MATUKIO MUHIMU YA MWAKA ULIOPITA

“Tunaipenda Sana JW Broadcasting!”

“Tunaipenda Sana JW Broadcasting!”

KITUO kipya cha televisheni kupitia Intaneti kiitwacho JW Broadcasting cha lugha ya Kiingereza kilianzishwa Oktoba 6, 2014. * Kuanzia mwezi wa Agosti 2015, programu hiyo imetafsiriwa katika lugha zaidi ya 70 ili ndugu na dada wengi wafurahie uandalizi huu wenye kutia moyo. Watazamaji wengi kutoka sehemu mbalimbali za ulimwengu wanashukuru sana kwa uandalizi huo wa pekee. Hata hivyo, ni mambo gani yaliyohusika katika kutayarisha JW Broadcasting?

Nafasi kubwa ilihitajika. Eneo linalofaa lilichaguliwa katika jengo la 30 Columbia Heights, lililo katika makao  makuu ya Mashahidi wa Yehova huko Brooklyn, New York. Kwa juma moja eneo hilo lilisafishwa, kisha Idara ya Udumishaji ikaanza kutayarisha kituo hicho na wasanifu wakaunda studio inayopendeza na ya kisasa. Ndugu na dada wengi kutoka Marekani walifanya kazi kwa muda mrefu kubuni na kupanga ili studio hiyo ijengwe kwa muda mfupi. Utafiti ambao kwa kawaida hufanywa kwa miezi ulifanywa kwa siku chache, na Idara ya Ununuzi ilinunua bila kukawia kila kitu.

Nyaya ndefu ziliunganishwa, na mafundi walihakikisha kwamba vifaa vyote vinafanya kazi vizuri. Wakati huo, wanamuziki wetu wa okestra wakishirikiana na ndugu na dada kutoka nchi mbalimbali walikuwa wakirekodi muziki katika studio za Patterson. Hati ziliandikwa, maigizo yakapangwa na ndugu wanaofanya kazi kwenye studio za Brooklyn, Patterson, Wallkill na nchi nyinginezo walitayarisha video. Studio ilipokamilika na vifaa vikaunganishwa, habari ambazo zingepeperushwa kwa miezi kadhaa zilianza kutayarishwa.

Studio ya kurekodia ya JW Broadcasting ya Brooklyn, New York

Tulipomwuliza mtaalamu mmoja ingechukua muda gani kujenga studio kama hiyo, alisema kwa kawaida huchukua mwaka mmoja na nusu. Ndugu na dada wenye bidii walifanya kazi hiyo kwa miezi miwili tu!

Matokeo yanatia moyo sana! Programu ya kila mwezi, ambayo mara nyingi huwekwa kwenye mtandao Jumatatu ya kwanza ya mwezi, hutazamwa mara zaidi ya milioni mbili kwa mwezi mmoja. Programu hiyo pamoja na video nyingine hutazamwa zaidi ya mara milioni kumi kwa mwezi.

“Programu hii imenivuta karibu zaidi na Tengenezo la Yehova na Baraza Linaloongoza. Ninajua kwamba mimi ni mshiriki wa familia yenye upendo.”—Kenya

Watu wa Yehova wanahisije kuhusu uandalizi huu mpya wa kiroho? Yafuatayo ni baadhi ya maelezo ya wachache:

  •  “Nina furaha sana jioni ya leo! Mimi na mke wangu tumetazama programu ya Mei 2015 ya JW Broadcasting na siwezi kuelezea kikamili shangwe yangu. Hii ni zawadi bora kutoka kwa Yehova. Tunashukuru Baraza Linaloongoza na ndugu na dada wote waliofanya kazi kwa bidii kutayarisha maandalizi haya ya kiroho.”—Indonesia.

  • “Ndugu wengi hawakuwahi kumsikia mshiriki wa Baraza Linaloongoza akitoa hotuba. Lakini sasa, tunawasikia na kuwaona pia. Tunajihisi kuwa karibu sana na Baraza Linaloongoza na undugu wa ulimwenguni pote.”—Kenya.

  • “Kwa kuwa mume wangu si Shahidi, ni vigumu sana kufanya ibada ya familia pamoja na matineja wangu wawili. Kwa kweli, programu hii imekuwa msaada mkubwa kwangu. Mimi pamoja watoto wangu hutiwa sana moyo na kunifanya nihisi kuwa sehemu ya tengenezo. Kwa kweli, ni baraka kutoka kwa Yehova.”—Uingereza.

  • “Tunaipenda sana JW Broadcasting! Sala zetu zilijibiwa programu hii ilipotafsiriwa katika lugha nyingine. Tunatiwa moyo sana tunapoona shangwe, fadhili na mtazamo wenu kuhusu ibada ya Yehova. Tangu programu hiyo ianzishwe, tunajihisi kuwa sehemu ya tengenezo hili zuri na la pekee la Yehova kuliko wakati mwingine wowote.”—Jamhuri ya Cheki.

  • “Kuwasikiliza washiriki wa Baraza Linaloongoza kwa  lugha yangu kumenifanya nimkaribie Yehova.”—Brazili.

  • “Nimemtumikia Yehova kwa miaka 16, hata hivyo, hisia na shangwe niliyohisi leo ni kama vile nilivyohisi siku niliyobatizwa. Ndugu wapendwa, asanteni sana kwa JW Broadcasting.”—Brazili.

Tuna hakika kwamba kwa msaada wa Yehova, JW Broadcasting itaendelea kuwaimarisha kiroho ndugu zetu ulimwenguni pote na kumletea sifa na utukufu Yehova.

^ fu. 1 JW Broadcasting inapatikana kwenye tovuti ya tv.jw.org.