Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

2015 Kitabu cha Mwaka cha Mashahidi wa Yehova

 MATUKIO MUHIMU YA MWAKA ULIOPITA

Kuweka Wakfu Ofisi ya Tawi ya Sri Lanka

Kuweka Wakfu Ofisi ya Tawi ya Sri Lanka

NDUGU na dada wa Sri Lanka waliovalia mavazi ya kitamaduni waliwakaribisha kwa uchangamfu wajumbe 130 kutoka nchi 19, waliohudhuria kuwekwa wakfu kwa ofisi ya tawi katika kisiwa maridadi cha Sri Lanka. Kikundi cha watoto kiliimba nyimbo za Ufalme, na kila mtu alifurahia vitu mbalimbali vya kitamaduni vyenye kuvutia, vyakula vitamu vya kienyeji, muziki wenye kuchangamsha, pamoja na ushirika mchangamfu wa Kikristo.

Majengo mapya na yale yaliyokarabatiwa katika ofisi hiyo ya tawi yaliwekwa wakfu kwa Yehova Jumamosi, Januari 11, 2014. Watu 893 walisikiliza kwa makini programu katika lugha tatu. Watu walishangilia kwa kupiga makofi kwa muda mrefu ndugu Mark Sanderson, mshiriki wa Baraza Linaloongoza alipouliza hivi: “Je, mngependa kuyaweka wakfu kwa Yehova Mungu majengo haya mapya?”

 Siku iliyofuata, watu wengine 7,701 walikusanyika ili kusikiliza rekodi ya programu hiyo pamoja na hotuba yenye kutia moyo iliyotolewa na Ndugu Sanderson. Maeneo matano ya nchi hiyo yaliunganishwa kupitia Intaneti ili kusikiliza programu hiyo. Kwa mara ya kwanza, video ya Intaneti iliwawezesha ndugu na dada katika maeneo yote ya kisiwa hicho kuwaona na kuwasikia wenzao wakiimba nyimbo za Ufalme. Tukio hilo la kihistoria kwa kweli liliwaletea “shangwe kubwa.”—Neh. 12:43.

Pata Kujua Mengi Zaidi

Ni Kazi Gani Zinazofanywa Katika Ofisi za Tawi za Mashahidi wa Yehova?

Wageni wanakaribishwa kutembelea ofisi yoyote ya tawi. Wewe pia unakaribishwa!

Ofisi na Matembezi: Sri Lanka

Wageni wanakaribishwa kwa matembezi bila malipo.