Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

2015 Kitabu cha Mwaka cha Mashahidi wa Yehova

 JAMHURI YA DOMINIKA

Yehova Amefungua Mioyo ya Watu Wengi

Leonardo Amor

Yehova Amefungua Mioyo ya Watu Wengi
  • ALIZALIWA 1943

  • ALIBATIZWA 1961

  • HISTORIA FUPI Alijifunza kweli alipokuwa kijana na amemtumikia Yehova akiwa mtumishi wa wakati wote kwa zaidi ya miaka 50.

MWEZI mmoja hivi baada ya Trujillo kuuawa mwaka 1961, nilibatizwa nilipokuwa nikisomea sheria kwenye chuo kikuu. Baba yangu alitaka niwe mwanasheria, lakini nilikuwa nimeona ubora wa elimu inayotoka kwa Mungu. Kwa hiyo, licha ya kushinikizwa na baba, niliacha masomo ya chuo. Muda mfupi baadaye niliwekwa rasmi kuwa painia wa pekee.

Mgawo wangu wa kwanza ulikuwa jijini La Vega, ngome ya muda mrefu ya Wakatoliki. Nilipotumikia huko, hakuna mtu hata mmoja aliyeikubali kweli. Nilipotoa hotuba ya watu wote, painia mwenzangu ndiye tu aliyekuwa mhudhuriaji. Hata hivyo, Yehova alinitegemeza kupitia funzo la Biblia la kibinafsi, kuhudhuria makusanyiko, na kusali kwa bidii. Nilisali kwa Yehova na kumwuliza ikiwa kutawahi  kuwa na kutaniko jijini La Vega. Ninafurahi kuripoti kwamba sasa kuna Majumba ya Ufalme 6, makutaniko 14, na wahubiri wa Ufalme zaidi ya 800.

Nilimwoa Ángela mwaka wa 1965, na mwaka wa 1981, tulialikwa Betheli. Nilipobatizwa, kulikuwa na wahubiri 681 tu nchini. Sasa kuna zaidi ya wahubiri 36,000 na maelfu wanahudhuria makusanyiko yetu. Kwa kweli, inashangaza kuona jinsi ambavyo Yehova amefungua mioyo ya watu wengi ili wakubali kweli za Biblia.

Halmashauri ya Tawi, kushoto kwenda kulia: Reiner Thompson, Juan Crispín, Thomas Dean, Leonel Peguero, Leonardo Amor, na Richard Stoddard