Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

2015 Kitabu cha Mwaka cha Mashahidi wa Yehova

 JAMHURI YA DOMINIKA

Nilitaka Kuacha Kumtumikia Mungu

Martín Paredes

Nilitaka Kuacha Kumtumikia Mungu
  • ALIZALIWA 1976

  • ALIBATIZWA 1991

  • HISTORIA FUPI Martín alikuwa akisomea ukasisi alipojifunza kweli. Tangu wakati huo, amewasaidia watu wengi kuwa waabudu wa kweli.

NILILELEWA katika familia ya Wakatoliki ambayo ilitaka niwe kasisi. Hivyo, nilipokuwa na umri wa miaka 12, nilisomea kozi tatu, kila kozi nikifundishwa na kasisi tofauti. Kisha, mwaka wa 1990 nilipokuwa na miaka 14, nilijiunga na mojawapo ya seminari bora nchini.

Nilifanya maendeleo haraka na nikaambiwa kwamba ikiwa ningeendelea kuwa na bidii, ningekuwa askofu. Hata hivyo, nilitamauka sana. Badala ya kufundishwa Biblia, tulisomea falsafa za wanadamu. Pia, makasisi walikuwa na maadili mabovu. Walipoanza kunisumbua kingono, nilitaka kuacha kumtumikia Mungu.

Wakati huo, wenzi fulani wa ndoa wamishonari walimtembelea mhasibu wa seminari na kumpa kitabu Maswali Ambayo Vijana Huuliza—Majibu Yafanyayo Kazi. Niliazima kitabu hicho na kukisoma mwanzo hadi mwisho. Nilijiambia hivi, ‘Hiki ndicho ninachokitafuta.’ Niliacha seminari,  nikaanza kujifunza na Mashahidi, na pia nikaanza kuhudhuria mikutano. Miezi nane baadaye, mnamo Julai, 1991, nikabatizwa. Nilianza kufanya upainia wa kawaida na baadaye nikamwoa dada painia aitwaye María. Tumetumikia tukiwa mapainia wa pekee tangu mwaka wa 2006. Badala ya kukata tamaa na kuacha kumtumikia Mungu, sasa ninafurahia kuwasaidia watu wenye njaa ya kweli ili wawe waabudu wa Mungu wa kweli.