Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

2015 Kitabu cha Mwaka cha Mashahidi wa Yehova

 JAMHURI YA DOMINIKA

Kutafuta Kusudi la Maisha

José Estévez

Kutafuta Kusudi la Maisha
  • ALIZALIWA 1968

  • ALIBATIZWA 1989

  • HISTORIA FUPI Alipokuwa mvulana, José alihamia jijini ili kutafuta maisha mazuri. Akiwa jijini, alijifunza kweli na kwa miaka mingi amekuwa akitanguliza kwanza Ufalme wa Mungu.

ALIPOKUWA na umri wa miaka 11, José alihamia jijini Santo Domingo, na ili kujitegemeza alifanya kazi ya kung’arisha viatu, kuuza machungwa, na barafu. Alipokuwa kijana, alijulikana kuwa mfanyakazi mwenye bidii. Baada ya miaka kadhaa, kaka yake ambaye alikuwa Shahidi wa Yehova, alimwambia José amtunzie nyumba yake. José aliona kitabu Unaweza Kuishi Milele Katika Paradiso Duniani mezani, na akakisoma usiku kucha. Alitambua kwamba alikuwa amepata kitu kilichompa kusudi la maisha.

Katika mwisho-juma, José alienda kwenye Jumba la Ufalme lililo karibu na akajitambulisha kuwa Shahidi wa Yehova. Aliwaambia akina ndugu kwamba alikuwa amejifunza kuwa anapaswa kuhudhuria mikutano na kuhubiri habari njema. Pia, aliwajulisha kwamba alipokuwa akisoma kitabu Kuishi Milele, alijifunza mambo ambayo Wakristo hawapaswi kufanya, na aliwahakikishia kwamba hakuwa akifanya  mambo hayo. Siku 15 baadaye, José alikubaliwa kuwa mhubiri, na miezi sita baadaye alibatizwa akiwa na umri wa miaka 21.

Kwa kuwa ratiba ya kazi ya José ilimzuia kuhudhuria mikutano, aliiacha na kutafuta kazi nyingine ambayo mshahara wake ni robo tu ya kile alichokuwa akilipwa mwanzoni. Sasa angekuwa na ratiba iliyomwezesha kuhudhuria mikutano na kufanya upainia wa kawaida. Hata hivyo, baadaye alipooa na kupata wavulana wawili, alilazimika kuacha upainia.

José aliazimia kuwafundisha watoto wake tangu wakiwa wachanga. Kwa hiyo, mke wake, Josefina, alipokuwa na ujauzito wa miezi mitatu wa mwana wao wa kwanza, aitwaye Noé, José alimsomea kwa sauti Kitabu Changu cha Hadithi za Biblia, akitumaini kwamba mtoto huyo angesikia akiwa tumboni. Noé alipozaliwa, tayari José alikuwa amemsomea kitabu kizima. Alifanya vivyo hivyo kwa mwana wao wa pili, Neftalí.

Baada ya muda, José akawa meneja mkuu wa biashara fulani. Katika biashara hiyo alilipwa mshahara mara kumi zaidi ya ule aliopata katika kazi yake ya awali. Hata hivyo, mwaka wa 2008, watoto wake walipokuwa na umri wa miaka 10 na 13, José aliacha cheo chake na akaanza tena kufanya upainia wa kawaida pamoja na familia yake. Kwa kuwa mapato yake yalipungua sana, familia nzima ilihitaji kushirikiana ili kupunguza gharama. Wote wanne huongoza mafunzo ya Biblia 30 hivi kila mwezi. Yesu anatuhakikishia kwamba tukitanguliza Ufalme, Yehova atatubariki. (Mt. 6:33) José na familia yake wametegemea kabisa ahadi hiyo na wamejionea jinsi ambavyo Yehova hutimiza ahadi zake.