Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

2015 Kitabu cha Mwaka cha Mashahidi wa Yehova

 JAMHURI YA DOMINIKA

Aliyepinga Kuwapo kwa Mungu Awa Mtumishi wa Mungu

Juan Crispín

Aliyepinga Kuwapo kwa Mungu Awa Mtumishi wa Mungu
  • ALIZALIWA 1944

  • ALIBATIZWA 1964

  • HISTORIA FUPI Zamani hakuamini kuwapo kwa Mungu, sasa amemtumikia Yehova kwa uaminifu kwa miaka 50.

NILIPOKUWA kijana, nilikasirishwa sana na chuki ya kidini. Pia, sikuelewa kwa nini Mungu hakukomesha umaskini na ukosefu wa haki, au kwa nini wanadini wengi hawaishi kupatana na mambo ambayo Biblia inasema. Kwa hiyo, nikaanza kuamini hakuna Mungu, nikidhani kwamba mapinduzi ya kisiasa tu ndiyo yangeubadili ulimwengu.

Mnamo 1962, nilianza kusoma gazeti la Amkeni! Kisha, mwaka wa 1963, nilikubali kufundishwa Biblia na Mashahidi wa Yehova. Mambo niliyojifunza yalibadili kabisa mtazamo wangu. Nilielewa kwamba Mungu si wa kulaumiwa kwa sababu ya mauaji yaliyofanywa na vikundi vya kidini na kwamba Mungu ana kusudi zuri kwa wanadamu. Miezi miwili baada ya kuanza kujifunza, nilianza kuwaeleza  wengine kwamba Ufalme wa Mungu utaondoa mfumo huu mwovu wa mambo. Nilibatizwa mwaka wa 1964 na kuwekwa rasmi kuwa painia wa pekee mwaka wa 1966. Naamini kwamba kweli iliokoa maisha yangu, kwa sababu vijana wengi wapiganaji nilioshirikiana nao waliuawa kikatili, walifungwa, au kulazimika kuikimbia nchi. Namshukuru Yehova kwa kunigeuza ili nimwamini, kwani nilikosa tumaini lakini sasa namtumikia Mungu ambaye anaahidi kuleta ulimwengu mpya wenye uadilifu.

Ndugu Crispín akiongoza ibada ya asubuhi Betheli