Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

2014 Kitabu cha Mwaka cha Mashahidi wa Yehova

 SIERRA LEONE NA GUINEA

Ninaipenda Sana Nchi ya Sierra Leone

Cindy McIntire

Ninaipenda Sana Nchi ya Sierra Leone
  • ALIZALIWA 1960

  • ALIBATIZWA 1974

  • MAELEZO MAFUPI KUMHUSU  Mmishonari tangu 1992. Alitumikia nchini Guinea na Senegal, na sasa anatumikia Sierra Leone.

NILIPOFIKA kwa mara ya kwanza katika nchi ya Sierra Leone, ilinichukua wiki mbili tu kuipenda. Nilishangazwa na jinsi watu walivyobeba mizigo mizito kichwani kwa njia rahisi sana. Majirani walikuwa na shughuli nyingi. Katika mitaa, watoto walifurahia michezo mbalimbali. Nilizungukwa na watu wachangamfu, waliopenda muziki, na mavazi yenye rangi mbalimbali.

Jambo linalonifurahisha zaidi ni kuhubiri. Wasierra Leone ni watu wakarimu kwelikweli. Wanaiheshimu Biblia na kusikiliza ujumbe wake. Mara nyingi, wao hunikaribisha katika nyumba zao. Ninapoondoka, wengine hunisindikiza hadi barabarani. Sifa hizo nzuri zinanisaidia kukabiliana na mambo mengine madogo-madogo, kama vile uhaba wa maji na kukatika-katika kwa umeme.

Kwa kuwa ningali mseja, wakati mwingine watu huniuliza ikiwa mimi huhisi upweke. Kwa kweli, nina mambo mengi ya kufanya hivi kwamba sihisi nikiwa mpweke. Maisha yangu yana kusudi.