Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI AGOSTI 2015

 HABARI KUU | UHAI BAADA YA KIFO—JE, HILO LINAWEZEKANA?

Tumaini kwa Wafu—Unawezaje Kuwa na  Uhakika?

Tumaini kwa Wafu—Unawezaje Kuwa na  Uhakika?

Je, ni sahihi kuamini kwamba wafu wataishi tena? Mtume Paulo aliamini hivyo. Aliongozwa na roho takatifu kuandika hivi: “Ikiwa ni katika maisha haya tu tumemtumaini Kristo, sisi ndio wa kusikitikiwa zaidi kati ya watu wote. Hata hivyo, sasa Kristo amefufuliwa kutoka kwa wafu, matunda ya kwanza ya wale ambao wamelala usingizi katika kifo.” (1 Wakorintho 15:19, 20) Paulo aliona ufufuo kuwa jambo halisi. Alikuwa na uhakika huo kwa sababu Yesu mwenyewe alifufuliwa. * (Matendo 17:31) Ndiyo sababu Paulo alimwita Yesu “matunda ya kwanza” yaani, alikuwa mtu wa kwanza kufufuliwa na kupewa uzima wa milele. Ikiwa Yesu alikuwa wa kwanza, ni wazi kwamba kungekuwa na wengine ambao wangefufuliwa.

Ayubu alimwambia hivi Mungu: “Utaitamani sana kazi ya mikono yako.”Ayubu 14:14, 15

Kuna sababu nyingine inayoweza kukupatia uhakika wa tumaini la ufufuo. Yehova ni Mungu wa kweli. ‘Mungu hawezi kusema uwongo.’ (Tito 1:2) Yehova hajawahi na hatawahi kamwe kusema uwongo. Je, angeahidi kuhusu ufufuo, hata kutuonyesha kwamba anaweza kufufua wafu na kisha asitende kulingana na ahadi yake? Jambo hilo halipatani na akili hata kidogo!

Kwa nini Yehova ameahidi kufufua wafu wakati ujao? Kwa sababu ya upendo. Ayubu aliuliza hivi: “Mtu akifa, je, anaweza kuishi tena?” Kisha akasema hivi: “Wewe utaita, na mimi mwenyewe nitakujibu. Kwa kuwa utaitamani sana kazi ya mikono yako.” (Ayubu 14:14, 15) Ayubu alikuwa na uhakika kwamba Baba yake mpendwa wa mbinguni angetamani sana kumfufua. Je, Mungu amebadilika? Biblia inajibu hivi: “Mimi ni Yehova; sikubadilika.” (Malaki 3:6) Mungu bado anatamani kuwaona wafu wakifufuliwa na kuishi tena wakiwa na afya nzuri na furaha. Ni sawa tu na jinsi ambavyo mzazi mwenye upendo  angetamani kumfufua mtoto wake mpendwa. Tofauti ni kwamba, Mungu ana uwezo wa kufanya chochote apendacho.—Zaburi 135:6.

Kifo ni kibaya, hata hivyo Mungu ana suluhisho kamili

Yehova atamwezesha Mwana wake kuwaletea shangwe nyingi wale wote wanaoomboleza kwa sababu ya kufiwa na wapendwa wao. Yesu anahisije kuhusu ufufuo? Kabla ya kumfufua Lazaro, Yesu alihisi uchungu moyoni kama walivyohisi dada na marafiki wa Lazaro, naye “akatokwa na machozi.” (Yohana 11:35) Pindi nyingine, Yesu alikutana na mjane wa Naini, aliyefiwa na mwana wake pekee. Yesu “akamsikitikia, akamwambia: ‘Acha kulia.’” Kisha akamfufua mwana huyo. (Luka 7:13) Hivyo, Yesu anajua vizuri huzuni na uchungu wa kufiwa. Yesu atafurahi sana wakati atakapowaondolea huzuni wanadamu ulimwenguni pote!

Je, umewahi kuhuzunika? Huenda ukahisi kwamba kifo ni tatizo lisilo na suluhisho. Hata hivyo kuna suluhisho. Nalo ni ufufuo ambao Mungu atatekeleza kupitia Mwana wake. Kumbuka kwamba Mungu angependa uone hilo litakapotendeka. Angependa uwepo ili kuwapokea wapendwa wako wanapofufuliwa. Hebu wazia ukipanga mambo pamoja nao kwa ajili ya wakati ujao, milele!

Lionel, aliyenukuliwa mapema, anasema hivi: “Hatimaye, nilijifunza kuhusu ufufuo. Mwanzoni, ilikuwa vigumu kuamini, na sikumwamini aliyeniambia jambo hilo. Lakini nilichunguza jambo hilo katika Biblia na kutambua kwamba lilikuwa la kweli! Ninasubiri kwa hamu sana kumwona tena babu yangu.”

Je, ungependa kujua mengi zaidi? Mashahidi wa Yehova wangependa kukuonyesha katika Biblia kwa nini wanaamini kwamba kutakuwa na ufufuo wakati ujao. *

^ fu. 3 Ili kuwa na uhakika kwamba Yesu alifufuliwa, soma kitabu Biblia—Neno la Mungu au la Binadamu? ukurasa wa 78-86, kilichochapishwa na Mashahidi wa Yehova.

^ fu. 9 Tafadhali soma sura ya 7 ya kitabu Biblia Inafundisha Nini Hasa? kilichochapishwa na Mashahidi wa Yehova.

 

Pata Kujua Mengi Zaidi

Kukabiliana na Kifo cha Mwenzi Wako wa Ndoa

Mtu huumia sana moyoni kwa muda mrefu kwa sababu ya kufiwa na mwenzi wa ndoa. Chunguza uone jinsi tumaini la ufufuo linalopatikana katika Neno la Mungu linavyofariji.

Tumaini Hakika kwa Wapendwa Wako Ambao Wamekufa

Je, umempoteza mpendwa wako katika kifo? Je, inawezekana kuwaona tena? Jifunze yale ambayo Biblia inasema kuhusu kifo.