Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Mnara wa Mlinzi  |  Machi 2015

Majibu ya Maswali ya Biblia

Majibu ya Maswali ya Biblia

Kwa nini tukumbuke kifo cha Yesu?

Ni ahadi gani zitakazotimia wakati ujao kupitia kifo cha Yesu?—Isaiah 25:8; 33:24

Kifo cha Yesu ni tukio muhimu zaidi katika historia kwa sababu alikufa ili kuwapa wanadamu tumaini la kuishi milele. Wanadamu hawakuumbwa wakiwa na dhambi, na hawangekuwa wagonjwa au kufa. (Mwanzo 1:31) Lakini dhambi iliingia ulimwenguni kupitia mwanadamu wa kwanza, Adamu. Yesu alikufa ili kutukomboa kutokana na dhambi na kifo.—Soma Mathayo 20:28; Waroma 6:23.

Mungu alituonyesha upendo wa pekee kwa kumtuma Mwana wake duniani ili afe kwa ajili yetu. (1 Yohana 4:9, 10) Yesu aliwaamuru wafuasi wake wakumbuke kifo chake kwa kufanya sherehe isiyohusisha mambo mengi wakitumia mkate na divai. Kufanya hivyo kila mwaka ni njia moja ya kuonyesha uthamini wetu kwa upendo ambao Mungu na Yesu wametuonyesha.—Soma Luka 22:19, 20.

Ni nani wanaopaswa kula mkate na kunywa divai?

Yesu alikuwa akizungumzia agano au mkataba alipowaagiza wanafunzi wake kwa mara ya kwanza kuhusu kukumbuka kifo chake. (Mathayo 26:26-28) Agano hilo liliwapa wao na wengine wachache tumaini la kutawala mbinguni pamoja na Yesu wakiwa wafalme na makuhani. Ingawa mamilioni ya watu huadhimisha kifo cha Yesu, ni wale tu walio katika agano hilo wanaopaswa kula mkate na kunywa divai.—Soma Ufunuo 5:10.

Kwa miaka 2,000 hivi, Yehova amekuwa akichagua wale watakaotawala pamoja na Yesu wakiwa wafalme. (Luka 12:32) Idadi yao ni ndogo ikilinganishwa na wale watakaoishi milele duniani.—Soma Ufunuo 7:4, 9, 17.

Kwa habari zaidi soma sura ya 5 ya kitabu hiki, Biblia Inafundisha Nini Hasa?, kilichochapishwa na Mashahidi wa Yehova

Kinapatikana pia katika www.jw.org/sw