Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI OKTOBA 2014

 HABARI KUU | UFALME WA MUNGU—UNA UMUHIMU GANI KWAKO?

Ufalme wa Mungu—Utakuwa na Umuhimu Gani Kwako?

Ufalme wa Mungu—Utakuwa na Umuhimu Gani Kwako?

Huenda katika makala zilizotangulia umejifunza kwamba Mashahidi wa Yehova wanathamini sana Ufalme wa Mungu. Na labda umevutiwa na baadhi ya baraka za wakati ujao za Ufalme wa Mungu zilizozungumziwa katika makala hizo. Na wakati huohuo huenda umejiuliza ikiwa kweli ahadi hizo zitatimia.

Ni jambo la hekima kuwa na tahadhari badala ya kuamini kila neno unalosikia. (Methali 14:15) Kwa njia fulani, mtazamo huo unalingana na ule wa Waberoya wa kale. * Waliposikia habari njema za Ufalme kwa mara ya kwanza, Waberoya walikubali waliyoyasikia, lakini si kwa sababu tu walitaka yawe ya kweli. Badala yake, walichunguza Maandiko kwa uangalifu “ili kuona kama mambo hayo ndivyo yalivyo.” (Matendo 17:11) Kwa maneno mengine, Waberoya walilinganisha Maandiko na habari njema walizosikia. Baada ya muda walisadiki kwamba habari njema zilitegemea kabisa Neno la Mungu.

Mashahidi wa Yehova wanakuomba ufanye hivyo pia. Kupitia mpango wetu wa kujifunza Biblia bila malipo, utapata nafasi ya kulinganisha yale ambayo Mashahidi wa Yehova wanaamini kuhusu Ufalme wa Mungu na yale ambayo Biblia inafundisha.

Zaidi ya kujifunza kuhusu Ufalme wa Mungu, kujifunza Biblia kutakusaidia kupata majibu ya maswali muhimu maishani.

Jambo muhimu zaidi, kujifunza Biblia kutakusaidia ‘kumkaribia Mungu.’ (Yakobo 4:8) Kadiri unavyozidi kumkaribia Mungu ndivyo utakavyoona jinsi Ufalme wa Mungu ulivyo muhimu kwako—si wakati huu tu, bali pia milele. Yesu mwenyewe alisali hivi: “Uzima wa milele ndio huu, waendelee kupata ujuzi juu yako wewe, Mungu wa pekee wa kweli, na juu ya yule uliyemtuma, Yesu Kristo.”—Yohana 17:3.

 

^ fu. 4 Beroya lilikuwa jiji la Makedonia ya kale.

Pata Kujua Mengi Zaidi

Tutapata Wapi Majibu ya Maswali Muhimu Maishani?

Je, utatafuta kwa kutumia sayansi, falsafa, au Biblia?

Funzo la Biblia Ni Nini?

Pata majibu kwa maswali kuhusu programu yetu ya kujifunza Biblia bila malipo.