Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI OKTOBA 2014

 HABARI KUU | UFALME WA MUNGUKINGDOM—UNA UMUHIMU GANI KWAKO?

Kwa Nini Upendezwe na Ufalme wa Mungu?

Kwa Nini Upendezwe na Ufalme wa Mungu?

Ufalme wa Mungu umewapa tumaini mamilioni ya watu ulimwenguni pote. Wanafuata mfano uliowekwa na Yesu, ambaye aliwafundisha wafuasi wake wasali hivi: “Ufalme wako uje, mapenzi yako yatimizwe, hapa duniani.”—Mathayo 6:9, 10, Union Version.

Kwa kushangaza, ingawa watu wengi wanapendezwa na Ufalme wa Mungu, dini nyingi hazifundishi sana kuuhusu. Kuhusiana na hilo, mwanahistoria H. G. Wells alikazia jinsi Yesu “alivyozingatia sana . . . kufundisha kuhusu Ufalme wa Mbinguni” ingawa fundisho hilo, akaendelea kusema Wells, “si muhimu sana katika . . . mafundisho ya makanisa mengi ya Kikristo leo.”

Tofauti na makanisa hayo, Mashahidi wa Yehova wanakazia sana Ufalme wa Mungu. Hebu fikiria: Gazeti letu kuu ambalo unasoma sasa, linachapishwa katika lugha 220. Kwa kila toleo, tunachapisha nakala milioni 46 hivi, na hivyo kulifanya liwe gazeti linalosambazwa kwa wingi zaidi ulimwenguni. Gazeti hili lina ujumbe gani wa msingi? Linaitwa: Mnara wa Mlinzi Unaotangaza Ufalme wa Yehova.  *

Kwa nini Mashahidi wa Yehova wanajitahidi sana kuhubiri na kutangaza kuhusu Ufalme wa Mungu? Kwanza kabisa, tunaamini kwamba Ufalme wa Mungu ndio ujumbe wa msingi wa kitabu muhimu zaidi ulimwenguni, yaani, Biblia. Isitoshe, tunasadiki kwamba Ufalme wa Mungu ndio suluhisho pekee na la kudumu la matatizo yanayowapata wanadamu leo.

Mashahidi wa Yehova wanajitahidi kumwiga Yesu kwa kutangaza kuhusu Ufalme wa Mungu. Alipokuwa duniani, alizingatia sana Ufalme wa Mungu katika maisha na huduma yake. (Luka 4:43) Kwa nini Ufalme ulikuwa muhimu sana kwa Yesu? Na unaweza kuwa na umuhimu gani kwako? Tunakuomba uchunguze majibu ya Biblia katika makala zifuatazo.

^ fu. 5 Yehova ni jina la Mungu kama linavyofunuliwa katika Biblia.