Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI SEPTEMBA 2014

Majibu ya Maswali ya Biblia

Majibu ya Maswali ya Biblia

Je, malaika wanaweza kutusaidia?

Kama walivyomsaidia Danieli mtumishi mwaminifu wa Mungu, leo malaika huwasaidia watu kusikia habari njema

Yehova Mungu aliumba mamilioni ya malaika muda mrefu kabla ya kuwaumba wanadamu. (Ayubu 38:4, 7) Malaika hao ni viumbe wa roho wenye nguvu ambao wanamtumikia Mungu, na nyakati nyingine yeye huwatuma kuwaongoza na kuwalinda watumishi wake duniani. (Zaburi 91:10, 11) Leo, malaika wanawasaidia watu kusikia habari njema inayohubiriwa na wafuasi wa Yesu.—Soma Ufunuo 14:6, 7.

Je, tunapaswa kusali kwa malaika ili watusaidie? Hapana. Sala inahusiana na ibada, na Mungu peke yake ndiye anayepaswa kuabudiwa. (Ufunuo 19:10) Malaika ni watumishi wa Mungu, kwa hiyo wao husikiliza maagizo yake bali si ya wanadamu. Hivyo, tunapaswa kusali sikuzote kwa Mungu kupitia Yesu Kristo.—Soma Zaburi 103:20, 21; Mathayo 26:53.

Je, kuna malaika wabaya?

Kama wanadamu, malaika waliumbwa wakiwa na uhuru wa kuchagua kutenda mema au mabaya. Kwa kusikitisha, malaika wengi walimwasi Mungu. (2 Petro 2:4) Shetani ndiye aliyekuwa wa kwanza kuasi; kisha wengine wakamfuata na kuwa roho waovu. Hivi karibuni, Shetani na roho waovu walifukuzwa kutoka mbinguni na kutupwa duniani.—Soma Ufunuo 12:7-9.

Ongezeko kubwa la uovu na jeuri tangu mwaka wa 1914 ni ishara kwamba hivi karibuni Mungu atamkomesha Shetani na roho waovu. Kisha Mungu atarudisha hali bora kabisa duniani.—Soma Ufunuo 12:12; 21:3, 4.

 

Pata Kujua Mengi Zaidi

Jinsi Viumbe wa Roho Wanavyohusika Maishani Mwetu

Biblia inazungumzia kuhusu malaika na roho waovu. Je, viumbe hao wa roho wanaweza kuwa halisi? Je, wanaweza kukuathiri?

Je, Kweli Kuna Mapepo?

Mapepo ni akina nani? Wanatokea wapi?