Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI APRILI 2014

 HABARI KUU | KWA NINI UNAPASWA KUSALI?

Kwa Nini Watu Husali?

Kwa Nini Watu Husali?

Je, wewe husali kwa ukawaida? Watu wengi husali, hata wale wasioamini Mungu. Lakini kwa nini watu husali? Uchunguzi uliofanywa nchini Ufaransa unaonyesha kwamba nusu ya raia wa nchi hiyo husali au kutafakari nyakati fulani “ili tu wahisi vizuri.” Kama watu wengi barani Ulaya, hawasali ili kumwabudu Mungu. Badala yake, wanataka kupata “kitulizo kinachotokana na sala.” Kwa upande mwingine, baadhi ya waumini husali tu kwa Mungu wanapohitaji msaada, wakitazamia kwamba atajibu haraka maombi yao.Isaya 26:16.

Namna gani wewe? Je, unafikiri sala ni njia tu ya kutuliza mawazo? Kama unamwamini Mungu, je, umeona akijibu sala zako? Au, unahisi kwamba sala zako hazijibiwi? Biblia inaweza kukusaidia uone sala, si kama njia ya kukusaidia uhisi vizuri bali kama njia muhimu ya kumkaribia Mungu.