Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI MACHI 2014

Majibu ya Maswali ya Biblia

Majibu ya Maswali ya Biblia

Tunafaidikaje kutokana na kifo cha Yesu?

Mungu alipowaumba wanadamu, alikusudia waishi milele duniani bila kusumbuliwa na magonjwa au kifo. Hata hivyo, mwanamume wa kwanza, Adamu, hakumtii Muumba na hivyo akapoteza tumaini la kuishi milele. Tukiwa wazao wa Adamu, tumerithi kifo kutoka kwake. (Waroma 5:8, 12; 6:23) Yehova, Mungu wa kweli alimtuma Mwana wake, Yesu, duniani ili afe na kuwakomboa wanadamu.Soma Yohana 3:16.

Yesu alikufa ili wanadamu waweze kupata uzima wa milele. Hebu wazia kuishi milele duniani.

Kifo cha Yesu kinatuwezesha kupata msamaha wa dhambi na kuwa na tumaini la kuishi milele. Biblia inaeleza jinsi hali itakavyokuwa duniani wakati ambapo hakutakuwa na uzee, magonjwa, na kifo.Soma Isaya 25:8; 33:24; Ufunuo 21:4, 5.

Tunapaswa kukumbukaje kifo cha Yesu?

Jioni iliyotangulia kifo chake, Yesu aliwaambia wafuasi wake wakumbuke kifo chake kwa kufanya sherehe ndogo. Kukumbuka kifo cha Yesu kwa njia hiyo kila mwaka hutupatia nafasi ya kutafakari jinsi Yesu na Yehova wanavyowapenda wanadamu.Soma Luka 22:19, 20; 1 Yohana 4:9, 10.

Mwaka huu, Ukumbusho wa kifo cha Yesu utakuwa siku ya Jumatatu, Aprili 14, baada ya jua kutua. Unaalikwa kukusanyika pamoja na Mashahidi wa Yehova katika eneo lenu.Soma Waroma 1:11, 12.

 

Pata Kujua Mengi Zaidi

Ukumbusho wa Kifo cha Yesu

Kila mwaka mamilioni ya watu hukusanyika pamoja ili kuadhimisha Ukumbusho wa kifo cha Yesu. Unakaribishwa kujifunza jinsi ambavyo tukio hilo muhimu linavyokuhusu wewe.

Yesu Kristo Ni Nani?

Jifunze kwa nini Yesu ni Masihi aliyeahidiwa, Yesu alitoka wapi, kwa nini ni mwana mzaliwa pekee wa Yehova.

Fidia—Zawadi Bora Zaidi Kutoka kwa Mungu

Fidia ni nini? Unaweza kufaidikaje kutokana nayo?